Пратэстоўцы ў Сербіі праз сацсеткі абвясцілі пра пачатак татальнай блакіроўкі дарог, вуліц і скрыжаванняў у сваіх раёнах да выканання патрабаванняў.
Сярод іх — неадкладнае вызваленне раней затрыманых пратэстоўцаў і правядзенне датэрміновых парламенцкіх выбараў.
У мінулым месяцы яны пачалі патрабаваць датэрміновых парламенцкіх выбараў. У цяперашнім парламенце большасць мае партыя прэзідэнта Аляксандра Вучыча. Сам ён раней казаў, што наступныя выбары адбудуцца дакладна ў тэрмін, а ён надыдзе ў канцы 2026 года.
Пратэстоўцы патрабуюць ад Вучыча згоды на датэрміновыя выбары, але ён адхіліў іх патрабаванне. Вучыч сцвярджае, не прыводзячы доказаў, што тыя дзейнічаюць у інтарэсах «замежных дзяржаў».
У суботу ў Бялградзе прайшоў маштабны мітынг, а паліцыя ўжыла слезацечны газ або перцавыя балончыкі для яго разгону.
Цяпер чытаюць
Лукашэнка загаварыў пра прарасійскасць Ціханоўскага, баючыся назваць яго імя37
Каментары