Жыхар сталіцы час ад часу ўжываў розныя наркотыкі. Адзін з дзён ён замовіў у наркашопе дозу какаіну.
Пасля пацверджання аплаты адміністратар прыслаў яму геаграфічныя каардынаты і фатаграфію мясцовасці, дзе трэба было забраць заказ. За ім фігурант адправіўся на арандаваным электрасамакаце, пішуць Мінск-навіны.
У лясным масіве ён хутка адшукаў дзве палімерныя прабіркі з парашком, паклаў іх у кішэню і накіраваўся дадому. Побач з адным з жылых дамоў на вул. Сталетава яго спынілі аператыўнікі наркаконтролю. Затрыманага даставілі ў Партызанскае РУУС, дзе падчас асабістага агляду ў яго выявілі какаін 0,38 г. У дачыненні да мужчыны завялі крымінальную справу.
— Яму выстаўлена абвінавачанне ў незаконных без мэты збыту набыцці, захаванні і перавозцы наркатычных сродкаў, гэта значыць у здзяйсненні злачынства, прадугледжанага ч. 1 арт. 328 КК, санкцыя якой — да пяці гадоў пазбаўлення волі, — пракаментаваў намеснік пракурора Партызанскага раёна Ціму́р Стужу́к.
— Віну грамадзянін цалкам прызнаў, у здзейсненым раскаяўся. У дачыненні да яго прыменена мера стрымання ў выглядзе залогу.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах9
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары