Амерыканская спявачка Тэйлар Свіфт выкупіла правы на арыгінальныя запісы (мастар-запісы) сваіх першых шасці альбомаў. Яна паведаміла пра гэта праз зварот на сваім афіцыйным сайце, падкрэсліўшы, што цяпер уся яе музыка цалкам належыць ёй.
Спачатку правамі на гэтыя альбомы валодаў лэйбл Big Machine Records, з якім Свіфт падпісала кантракт яшчэ ў 15 гадоў. У 2019 годзе правы былі выкупленыя музычным менеджарам Скутэрам Браўнам (з якім у Свіфт былі асабістыя канфлікты), калі яго кампанія набыла сам лэйбл. Пазней, у 2020 годзе, Браўн прадаў правы інвестыцыйнаму фонду Shamrock Capital, не папярэдзіўшы Свіфт.
У адказ на гэта спявачка вырашыла перазапісаць усе шэсць альбомаў, каб аднавіць кантроль над сваёй творчасцю. З 2021 па 2023 год яна ўжо выпусціла новыя версіі Fearless, Red, Speak Now і 1989. Пакуль што не былі перазапісаныя толькі Reputation (2017) і дэбютны Taylor Swift (2006), і не вядома, ці будуць яны ўрэшце выпушчаныя.
Такім чынам, Тэйлар Свіфт здолела вярнуць сабе правы на сваю раннюю творчасць, якая доўгі час была не пад яе кантролем. Яна атрымала правы на відэакліпы, канцэртныя запісы, вокладкі, фатаграфіі і нават раней неапублікаваныя песні.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў99
Каментары