Amierykanskaja śpiavačka Tejłar Śvift vykupiła pravy na aryhinalnyja zapisy (mastar-zapisy) svaich pieršych šaści albomaŭ. Jana paviedamiła pra heta praz zvarot na svaim aficyjnym sajcie, padkreśliŭšy, što ciapier usia jaje muzyka całkam naležyć joj.
Spačatku pravami na hetyja albomy vałodaŭ łejbł Big Machine Records, ź jakim Śvift padpisała kantrakt jašče ŭ 15 hadoŭ. U 2019 hodzie pravy byli vykuplenyja muzyčnym mieniedžaram Skuteram Braŭnam (ź jakim u Śvift byli asabistyja kanflikty), kali jaho kampanija nabyła sam łejbł. Paźniej, u 2020 hodzie, Braŭn pradaŭ pravy inviestycyjnamu fondu Shamrock Capital, nie papiaredziŭšy Śvift.
U adkaz na heta śpiavačka vyrašyła pierazapisać usie šeść albomaŭ, kab adnavić kantrol nad svajoj tvorčaściu. Z 2021 pa 2023 hod jana ŭžo vypuściła novyja viersii Fearless, Red, Speak Now i 1989. Pakul što nie byli pierazapisanyja tolki Reputation (2017) i debiutny Taylor Swift (2006), i nie viadoma, ci buduć jany ŭrešcie vypuščanyja.
Takim čynam, Tejłar Śvift zdoleła viarnuć sabie pravy na svaju rańniuju tvorčaść, jakaja doŭhi čas była nie pad jaje kantrolem. Jana atrymała pravy na videaklipy, kancertnyja zapisy, vokładki, fatahrafii i navat raniej nieapublikavanyja pieśni.
Litva znoŭ zakryvaje miažu ź Biełaruśsiu — na niavyznačany termin9
Litva znoŭ zakryvaje miažu ź Biełaruśsiu — na niavyznačany termin
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary