Вольга Сямашка прыняла рашэнне прыпыніць супрацу з беларускімі праектамі
Яе ананімныя калегі з Альянса расследавальнікаў Беларусі запэўніваюць, што аплацілі для яе паход на паліграф, які нібыта «не выявіў ніякай датычнасці Сямашкі да спецслужбаў». Але падрабязнасці расказаць не могуць. Як не могуць і праверыць яе мужа-агента з пашпартам прыкрыцця.
Ананімная супольнасць Альянс расследавальнікаў Беларусі апублікавала вынікі ўнутранай праверкі сітуацыі з журналісткай Вольгай Сямашкай. Нагадаем, яе муж Фёдар Гарбачоў мае пашпарт прыкрыцця, а сама Сямашка мела доступ да ўразлівай інфармацыі — у прыватнасці, праводзіла аўдыт аднаго з фондаў пасля «Марафона салідарнасці».
Альянс паведаміў, што не знайшоў пацвярджэння ніводнаму тэзісу з артыкула «Нашай Нівы» пра Вольгу Сямашку.
Чытайце:Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка
«Бачу помсту за маю працу». Вольга Сямашка адрэагавала на расследаванне «НН»
Апроч таго, калегі Сямашкі запэўнілі, што яна прайшла праверку на паліграфе ў адной з краін Еўрасаюза. «Праверка не выявіла ніякай датычнасці Вольгі да супрацы са спецслужбамі», — адзначаюць аўтары. Аднак кажуць, што дадатковыя падрабязнасці не могуць распаўсюджваць па ўмовах «падпісанай дамовы аб неразгалошванні».
«Што тычыцца мужа, Фёдара Гарбачова, то мы не маем права і кампетэнцый праводзіць спецыяльную праверку накшталт допытаў і іншага з ім», — заявілі ў Альянсе.
Напрыканцы калегі Сямашкі яшчэ раз нагадваюць пра тое, што прыпынілі супрацоўніцтва з ёй.
«Таксама ў нас ёсць інфармацыя аб тым, што Вольга Сямашка прыняла рашэнне прыпыніць супрацу з беларускімі праектамі», — паведамляюць яны.
«Кіберпартызаны»: У мужа журналісткі Вольгі Сямашкі сапраўды два пашпарты на розныя імёны
Журналіст пацвердзіў, што пашпарт прыкрыцця мужа Сямашкі дагэтуль сапраўдны. І ўзяў яго пад кантроль на сайце МУС
Муж Сямашкі быў не адзіным, хто атрымаў пашпарт прыкрыцця 13 лютага 2018 года
«Думаеце, я гэты пашпарт дома не шукала?» Вольга Сямашка пракаментавала сітуацыю з дакументам прыкрыцця свайго мужа
Блогер-правакатар Вірус выпадкова спаліў свайго інфарматара. Ён апублікаваў скрыншот, зроблены Вольгай Сямашка
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі26
Каментары
Может это вообще прикрытие Главного разведывательного управления ГШ ВС РБ...