«Шкада Акадэмію». Коршунаў пра прызначэнне Караніка кіраўніком НАН
Упершыню ролю старшыні Прэзідыума Акадэміі навук будзе выконваць чалавек без доктарскай ступені — не кажучы пра адсутнасць значнага навуковага досведу. Былы дырэктар Інстытута сацыялогіі Акадэміі навук Генадзь Коршунаў пракаментаваў «Нашай Ніве» нечаканае прызначэнне Уладзіміра Караніка на новую пасаду.
Генадзь Коршунаў кажа, што пасля Уладзіміра Гусакова, вядомага сваімі эксцэнтрычнымі заявамі і праўладнай пазіцыяй, чакаць вялікіх змен у працы Акадэміі навук не трэба.
«Каранік лаяльны ўладзе чалавек, таму яго прызначэнне старшынёй Прэзідыума ніякіх адчуванняў не выклікае. Як быў цалкам лаяльны Лукашэнку Гусакоў, зараз такую ж кандыдатуру і прызначылі. Без уліку навуковых, акадэмічных ці іншых яго дасягненняў», — кажа Коршунаў.
З 2000-х гадоў, калі кіраўніком Акадэміі навук стаў Міхаіл Мясніковіч, з НАН выбудоўвалі «не акадэмічны цэнтр, а нешта больш падобнае на міністэрства», заўважае навуковец.
«Гусакоў гэтую лінію працягнуў — і Каранік будзе выконваць тую ж самую ўстаноўку, якую даваў і дае Лукашэнка. Адзінае што, сапраўды, можа быць меней такіх інфанагод, якія любіў Гусакоў».
Даследчык таксама думае, што фінансаванне ў Акадэміі можа быць пераразмеркавана з аграрнага сектару ў медыцынскі, але звонку гэта пабачыць будзе складана.
«Шкада Акадэмію. Тое, што з яе робяць. Тая перспектыва выбудовы інтэлектуальнага цэнтра, якая была, скажам, у 1990-х гадах, зараз не проста губляецца — яна фактычна вынішчаецца», — кажа даследчык.
Пра прызначэнне Уладзіміра Караніка старшынёй Прэзідыума Нацыянальнай Акадэміі навук Беларусі стала вядома на нарадзе Лукашэнкі з чыноўнікамі 22 мая.
Дагэтуль ураджэнец Гродна працаваў намеснікам прэм'ер-міністра, яшчэ раней — старшынёй Гродзенскага выканкама і міністрам аховы здароўя. Кар'еру Каранік пачынаў у мінскім анкалагічным дыспансеры: з 2011 па 2019 год ён быў там галоўным урачом.
Значных акадэмічных дасягненняў Каранік не мае — толькі абараніў кандыдацкую дысертацыю па клініка-біялагічным асаблівасцях розных варыянтаў раку лёгкага. Кіраваць Акадэміяй навук упершыню будзе чалавек без доктарскай ступені.
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
Выражение лица Караника на назначении/представлении всё само за себя сказало.