Былы прэзідэнт ЗША ў сацсетках пракаментаваў дыягназ пра рак у агрэсіўнай форме.
«Рак закранае кожнага з нас. Як і многія з вас, мы з Джыл даведаліся, што становімся мацнейшымі ў нашых зламаных месцах. Дзякуй вам за падтрымку і любоў, якімі вы нас акружаеце», — напісаў ён.
Учора стала вядома, што ў былога прэзідэнта ЗША Джо Байдэна дыягнаставалі агрэсіўную форму рака прастаты, рак даў метастазы ў косткі. Пра гэта заявіў офіс Байдэна.
«На мінулым тыдні ў прэзідэнта Джо Байдэна было выяўлена новае вузельчыкавае ўтварэнне ў прастаце пасля таго, як у яго ўзмацніліся сімптомы мачавыпускання. У пятніцу ў яго быў дыягнаставаны рак прастаты, які характарызуецца 9-бальнай ацэнкай па Глісану (5-я група) з метастазамі ў косці», — гаворыцца ў заяве офіса.
У ёй таксама пісалася: «Хоць гэта больш агрэсіўная форма захворвання, рак, як відаць, адчувальны да гармонаў, што дазваляе праводзіць эфектыўнае лячэнне».
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары