Здарэнні

Маладыя бацькі ў 100 гадоў. У пары галапагоскіх чарапах упершыню нарадзіліся дзеці

Пара галапагоскіх чарапах, якія знаходзяцца пад пагрозай знікнення і жывуць у заапарку амерыканскага горада Філадэльфія, упершыню ў жыцці стала бацькамі. Паведамленні пра гэта асабліва радуюць навукоўцаў яшчэ і таму, што ўзрост абедзвюх чарапах — каля 100 гадоў, паведамляе Бі-бі-сі.

Мамачка — шчаслівая маладая маці, якой 97 гадоў. Фота: Філадэльфійскі заапарк 

Заапарк паведаміў, што 27 лютага з адкладзеных самкай з мянушкай Мамачка яек вылупілася першае дзіцяня, затым хутка з’явіліся астатнія. Іх вага складала ад 70 да 80 грамаў.

Супрацоўнікі заапарка сочаць за станам іншых яек, з якіх у найбліжэйшыя тыдні могуць з’явіцца новыя чарапахі.

Навукоўцы лічаць, што Мамачцы 97 гадоў. «[Яна] з’явілася ў заапарку ў 1932 годзе, а гэта азначае, што любы, хто наведваў заапарк за апошнія 92 гады, яе, верагодна, бачыў», — кажа кіраўніца заапарка Філадэльфіі Джо-Элі Магерман.

Прыяцель Мамачкі і бацька дзіцянят па імені Абрацца пераехаў у Філадэльфію адносна нядаўна, у 2020 годзе (да гэтага ён жыў у заапарку Паўднёвай Караліны). Навукоўцы мяркуюць, што сваёй партнёрцы ён прыходзіцца амаль што аднагодкам: яму споўнілася 96 гадоў. Цяпер нованароджаных чарапах трымаюць удалечыні ад наведвальнікаў, і яны «нармальна ядуць і растуць», піша заапарк.

Плануецца, што яны ўпершыню будуць прадэманстраваныя шырокай публіцы 23 красавіка, калі «споўніцца 93 гады з моманту прыбыцця Мамачкі ў заапарк» Філадэльфіі.

Паводле паведамлення Філадэльфійскага заапарка, нараджэнне дзіцянят галапагоскай чарапахі — першая падобная падзея ў яго 150-гадовай гісторыі, а Мамачка стала самым пажылым прадстаўніком свайго віду, які ўпершыню ў сваім жыцці стаў маці.

«Гэта важны этап у гісторыі заапарка Філадэльфіі, і мы вельмі рады паведаміць пра гэтую навіну жыхарам нашага горада, рэгіёна і ўсяго свету», — піша Могерман.

Галапагоскія чарапахі аднесены да відаў жывёл, што знаходзяцца на мяжы знікнення ў жывой прыродзе. У амерыканскіх заапарках утрымліваецца менш за 50 такіх чарапах.

Як піша на сваім сайце заапарк Сан-Дыега, галапагоскія чарапахі захоўваюць здольнасць да размнажэння на працягу ўсяго жыцця. Дакладная працягласць іх жыцця невядомая, аднак адзін з прадстаўнікоў гэтага віду здолеў дажыць да 171-гадовага ўзросту.

Каментары

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць

Усе навіны →
Усе навіны

«У Егіпет з дзецьмі даражэй з’ездзіць». Брэсцкая блогерка вырашыла павялічыць грудзі, пакуль чакае мужа з калоніі20

У КР выбіраюць віцэ-спікерку. Дэбатаў не атрымалася, бо балатавалася толькі Лізавета Пракопчык7

Ціханоўская: Кожны год, 21 мая, сэрца сціскаецца ад болю13

Трамп абвясціў пра стварэнне новай супрацьракетнай абароны ЗША «Залаты купал», якая павінна стаць найлепшай у свеце5

Грузія цалкам забараніла рээкспарт аўто ў Расію і Беларусь. Што гэта азначае для беларусаў на практыцы?9

У Мінску кіроўца збіў на пераходзе сямігадовага хлопчыка на самакаце1

Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў9

Улады Іспаніі патрабуюць ад Airbnb выдаліць больш за 60 тысяч аб'яў аб арэндзе жылля1

Кіраўнік «Еўраопта» выйшаў на свабоду4

больш чытаных навін
больш лайканых навін

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць

Галоўнае
Усе навіны →

Заўвага:

 

 

 

 

Закрыць Паведаміць