Ілан Маск у найбліжэйшыя тыдні можа спыніць выкананне абавязкаў у адміністрацыі Трампа
Прэзідэнт ЗША Дональд Трамп паведаміў блізкаму колу асоб, што ў найбліжэйшыя тыдні бізнэсмен Ілан Маск спыніць выкананне абавязкаў у ягонай адміністрацыі, сцвярджае выданне Politico са спасылкай на крыніцы.
Ілан Маск курыруе створаны пасля прыходу Трампа да ўлады Дэпартамент эфектыўнасці дзяржаўнага кіравання (DOGE).
Паводле суразмоўцаў Politico, Трамп задаволены яго дзейнасцю, але прэзідэнт і прадпрымальнік вырашылі, што Маску пара вяртацца ў бізнэс і ўзяць на сябе дапаможную ролю.
Маск нібыта павінен пайсці з пасады адразу пасля афіцыйнага заканчэння тэрміну яго паўнамоцтваў — у канцы мая або пачатку чэрвеня.
Адна з крыніц Politico паведаміла, што Маск захавае неафіцыйную ролю дарадцы Трампа і працягне час ад часу з'яўляцца на тэрыторыі Белага дома. Іншы суразмоўца выдання заявіў, што любы, хто думае, што Маск цалкам знікне з атачэння прэзідэнта ЗША, «падманвае сябе».
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары