Iłan Mask u najbližejšyja tydni moža spynić vykanańnie abaviazkaŭ u administracyi Trampa
Prezident ZŠA Donald Tramp paviedamiŭ blizkamu kołu asob, što ŭ najbližejšyja tydni biznesmien Iłan Mask spynić vykanańnie abaviazkaŭ u jahonaj administracyi, śćviardžaje vydańnie Politico sa spasyłkaj na krynicy.
Iłan Mask kuryruje stvorany paśla prychodu Trampa da ŭłady Departamient efiektyŭnaści dziaržaŭnaha kiravańnia (DOGE).
Pavodle surazmoŭcaŭ Politico, Tramp zadavoleny jaho dziejnaściu, ale prezident i pradprymalnik vyrašyli, što Masku para viartacca ŭ biznes i ŭziać na siabie dapamožnuju rolu.
Mask nibyta pavinien pajści z pasady adrazu paśla aficyjnaha zakančeńnia terminu jaho paŭnamoctvaŭ — u kancy maja abo pačatku červienia.
Adna z krynic Politico paviedamiła, što Mask zachavaje nieaficyjnuju rolu daradcy Trampa i praciahnie čas ad času źjaŭlacca na terytoryi Biełaha doma. Inšy surazmoŭca vydańnia zajaviŭ, što luby, chto dumaje, što Mask całkam źniknie z atačeńnia prezidenta ZŠA, «padmanvaje siabie».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1616
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ16
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał22
Kamientary