Amierykanski miljarder Iłan Mask paviedamiŭ, što jaho kampanija xAI, jakaja zajmajecca raspracoŭkaj technałohij u śfiery štučnaha intelektu, nabyła jaho sacsietku X za 33 miljardy dalaraŭ, piša Rasijskaja słužba Radyjo Svaboda.
Pavodle słoŭ Maska, paśla ździełki vartaść xAI składzie 80 miljardaŭ dalaraŭ. «Budučynia xAI i X nieparyŭna źviazanaja», — napisaŭ Mask.
Pradstaŭniki X i xAI admovilisia kamientavać ździełku, paviedamlaje Reuters. Ahienctva adznačaje, što detali kupli pakul zastajucca niezrazumiełymi. U pryvatnaści, nieviadomy miechanizm vypłat inviestaram i status kiraŭnictva X u novaj struktury.
Pavodle danych Bloomberg, abjadnanaja struktura atrymała nazvu XAI Holdings. Jaje sumarnaja acenka pieravyšaje 100 miljardaŭ dalaraŭ biez uliku zapazyčanaściaŭ. U ździełcy ŭ jakaści finansavaha kansultanta ŭdzielničaŭ kanhłamierat Morgan Stanley.
Adzin ź inviestaraŭ xAI paviedamiŭ Reuters, što Mask nie kansultavaŭsia ź inviestarami pierad abviaščeńniem ździełki. Miljarder tolki adznačyŭ, što kampanii ŭžo ciesna supracoŭničali, a intehracyja paskoryć raźvićcio sistemy štučnaha intelektu Grok, raspracavanaj xAI.
U kastryčniku 2022 hoda Mask nabyŭ płatformu mikrabłohaŭ Twitter za 44 miljardy dalaraŭ. Kamientujučy kuplu, biźniesmien zajaviŭ, što maje namier pierabudavać stratnuju kampaniju. Paźniej Mask abviaściŭ pra stvareńnie supierdadatku X. U krasaviku 2023 hoda Twitter byŭ pahłynuty kampanijaj X Corp., i sacsietka aficyjna źmianiła nazvu na X.
-
Kanada viadzie kułuarnyja pierahavory ab statusie asacyjavanaha siabra Jeŭrasajuza
-
Zialenski ŭvioŭ sankcyi suprać svajoj byłoj pres-sakratarki Julii Miendel. Jaje vinavaciać u prarasijskaj prapahandzie
-
U Indaniezii pieraviarnuŭsia pasažyrski parom z 243 pasažyrami na borcie: 130 čałaviek źnikli bieź viestak
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
[Zredahavana]