Амерыканскі мільярдэр Ілан Маск паведаміў, што яго кампанія xAI, якая займаецца распрацоўкай тэхналогій у сферы штучнага інтэлекту, набыла яго сацсетку X за 33 мільярды даляраў, піша Расійская служба Радыё Свабода.
Паводле слоў Маска, пасля здзелкі вартасць xAI складзе 80 мільярдаў даляраў. «Будучыня xAI і X непарыўна звязаная», — напісаў Маск.
Прадстаўнікі X і xAI адмовіліся каментаваць здзелку, паведамляе Reuters. Агенцтва адзначае, што дэталі куплі пакуль застаюцца незразумелымі. У прыватнасці, невядомы механізм выплат інвестарам і статус кіраўніцтва X у новай структуры.
Паводле даных Bloomberg, аб’яднаная структура атрымала назву XAI Holdings. Яе сумарная ацэнка перавышае 100 мільярдаў даляраў без уліку запазычанасцяў. У здзелцы ў якасці фінансавага кансультанта ўдзельнічаў кангламерат Morgan Stanley.
Адзін з інвестараў xAI паведаміў Reuters, што Маск не кансультаваўся з інвестарамі перад абвяшчэннем здзелкі. Мільярдэр толькі адзначыў, што кампаніі ўжо цесна супрацоўнічалі, а інтэграцыя паскорыць развіццё сістэмы штучнага інтэлекту Grok, распрацаванай xAI.
У кастрычніку 2022 года Маск набыў платформу мікраблогаў Twitter за 44 мільярды даляраў. Каментуючы куплю, бізнесмен заявіў, што мае намер перабудаваць стратную кампанію. Пазней Маск абвясціў пра стварэнне супердадатку X. У красавіку 2023 года Twitter быў паглынуты кампаніяй X Corp., і сацсетка афіцыйна змяніла назву на X.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
[Зрэдагавана]