Сёлета прыём абітурыентаў на ўмовах мэтавай падрыхтоўкі ва ўніверсітэты будзе праходзіць з 27 чэрвеня па 2 ліпеня.
Такія тэрміны назваў начальнік галоўнага ўпраўлення прафесійнай адукацыі Міністэрства адукацыі Сяргей Пішчоў на брыфінгу ў Нацыянальным прэс-цэнтры.
Наступны этап — уступныя выпрабаванні па профільным прадмеце, якія будуць праводзіцца ў вуснай або практычнай форме. Сяргей Пішчоў удакладніў, што яшчэ ў снежні на сайтах ведамстваў і ўстаноў вышэйшай адукацыі быў апублікаваны пералік пытанняў, якія будуць уключаны ў білеты для ўступнага выпрабавання.
Асаблівасці для мэтавікоў: па кожнай спецыяльнасці павінен быць конкурс, сярэдні бал атэстата абітурыента павінен быць не ніжэй за 7.
Прадстаўнік Мінадукацыі таксама паведаміў, што цяпер фарміруюцца планы прыёму на ўмовах мэтавай падрыхтоўкі. Квоты, устаноўленыя летась, захаваны. Напрыклад: па медыцынскіх спецыяльнасцях колькасць мэтавых месцаў можа дасягаць 80%, па іншых — да 70%.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары