Адміністрацыя Трампа заяўляе, што скарачае 90% кантрактаў USAID на замежную дапамогу
Адміністрацыя Трампа заявіла, што адмяняе больш за 90% кантрактаў Агенцтва ЗША па міжнародным развіцці на аказанне замежнай дапамогі і агульную дапамогу ЗША ў памеры 60 мільярдаў даляраў па ўсім свеце, піша AP.
Адміністрацыя Трампа выклала свае планы як ва ўнутранай запісцы, атрыманай Associated Press, так і ў матэрыялах па адным з федэральных судовых пазоваў.
Апублікаваныя дадзеныя таксама даюць уяўленне аб маштабах адмовы адміністрацыі ад амерыканскай дапамогі і садзейнічання развіццю за мяжой, а таксама аб дзесяцігоддзях палітыкі ЗША, згодна з якой замежная дапамога спрыяла інтарэсам ЗША, стабілізуючы іншыя краіны і эканомікі і ствараючы альянсы.
Прэзідэнт Дональд Трамп і яго саюзнік Ілан Маск у сваім імкненні скараціць колькасць федэральнага ўрада ўдарылі па замежнай дапамозе мацней і хутчэй, чым па любой іншай мэце. Абодва яны кажуць, што праекты USAID прасоўваюць ліберальную праграму і з'яўляюцца пустым марнаваннем грошай.
Трамп 20 студзеня распарадзіўся правесці, з ягоных слоў, 90-дзённы агляд кожнай праграмы, вызначаючы, якія праграмы замежнай дапамогі заслугоўваюць працягу, і практычна раптоўна спыніў вылучэнне ўсіх сродкаў на замежную дапамогу.
Замарожванне фінансавання спыніла тысячы праграм, якія фінансуюцца ЗША за мяжой, а адміністрацыя і аддзел па павышэнню эфектыўнасці работы ўрада, які ўзначальвае Маск, звольнілі большасць супрацоўнікаў USAID.
«Наперадзе яшчэ шмат звальненняў, так што, калі ласка, рыхтуйцеся!» — напісаў супрацоўнікам у панядзелак прадстаўнік USAID у электронным лісце.
У цэлым, адміністрацыя Трампа заявіла, што адменіць 5800 з 6200 шматгадовых кантрактаў USAID, што скароціць выдаткі на 54 мільярды даляраў. Яшчэ 4100 з 9100 грантаў Дзярждэпартамента былі скасаваныя на суму 4,4 мільярда даляраў.
Загінуў беларускі добраахвотнік Васіль «Дзір» Рапіцкі11
Каментары