Міністэрства адукацыі паведамляе пра ўвядзенне папярэдняга электроннага запісу на апастыль. Стары рэжым таксама захаваецца, але толькі на месяц.
З 3 сакавіка ўводзіцца электронны папярэдні запіс для падачы дакументаў на прастаўленне апастылю на афіцыйных дакументаў з устаноў адукацыі, паведамляе Blizko.by.
Запіс будзе ажыццяўляцца на сайце Міністэрства адукацыі. Аднак асобная старонка для гэтага пакуль што адсутнічае.
Для запісу трэба будзе ўказаць від дакумента і яго нумар; выбраць дату і час візіту з даступных варыянтаў у адпаведнасці з графікам прыёму дакументаў.
Па электронным запісе дакументы прымаюцца толькі ад уладальніка і толькі тыя дакументы, якія былі пазначаныя ў форме запісу.
Несупадзенне нумара дакумента ў форме запісу і дакумента, пададзенага на апастыль, прывядзе да адмовы ў прыёме.
Стары фармат запісу дзейнічае да 31 сакавіка
Да 31 сакавіка ўключна папярэдні запіс на апастыль захаваецца і ў ранейшым фармаце — на базе Дэпартамента ў вызначаныя дні і гадзіны.
Запіс па тэлефоне або электроннай пошце не ажыццяўляецца.
Па пытаннях увядзення электроннага запісу з 26 лютага па 7 сакавіка будзе працаваць гарачая лінія з 11:00 да 13:00 па тэлефоне +375 (17) 320-08-24.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос16
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары