Сайт pristalica.by паведаміў пра тое, што на старажытным гарадзішчы за 10 кіламетраў на захад ад Мінска на беразе ракі Менкі, на якім паўстаў старажытны Менск і дзе апошнія гады праводзяцца маштабныя археалагічныя раскопкі, нейкія людзі актыўна адпачываюць нягледзячы на забароны.
Паводле інфармацыі выдання, пару дзён таму загадчыка аддзела Інстытута гісторыі НАН Беларусі Андрэя Вайцяховіча шакавала навіна: па беразе хтосьці намотваў кругі, мяркуючы па слядах, на квадрацыклах.
«Пра тое, што гэтая мясцовасць адносіцца да гісторыка-культурнай, мне здаецца, ведаюць ужо ўсе. Тым больш што на ўездзе ёсць шыльда, што праезд забаронены. Але, як мы зразумелі, гэтую агароджу проста аб'ехалі і далей пачалі весяліцца», — адзначае археолаг.
З фота вынікае, што намотвалі кругі на квадрацыклах тут неаднойчы, прытым нават каля памятнага камня, які нагадвае, што гэта за месца.
«Мясцовасць тут узгорыстая. Можа, таму і выбралі месца пакатацца… Па выніку гэтыя людзі прычынілі шкоду гісторыка-культурнай каштоўнасці. Вядома, па вясне мы будзем выпраўляць знешні выгляд, рабіць усё прыгожа, але тым не менш хацелася б не мець такіх гасцей», — адзначыў Андрэй Вайцяховіч.
Хто гэтыя парушальнікі, пакуль не высветлена.
«Уся тэрыторыя комплексу адносіцца да гісторыка-культурнай каштоўнасці, нават валы і камяні. Тут дазволена толькі пешая прагулка, але ніяк не язда. Мы ў сваю чаргу расставім неабходныя інфармацыйныя таблічкі, каб наведвальнікі адразу былі азнаёмленыя з некаторымі нюансамі наведвання комплексу», — адзначылі ў Мінскім райвыканкаме.
Згодна з Кодэксам аб культуры, знішчэнне, пашкоджанне гісторыка-культурных каштоўнасцяў, здзейсненае па неасцярожнасці, цягне накладанне штрафу ў памеры ад 5 да 35 велічынь, на індывідуальнага прадпрымальніка — ад 20 да 100 базавых велічынь, а на юрыдычную асобу — да 500 базавых велічынь. Таксама адказнасць прадугледжаная і артыкуламі 345 і 346 Крымінальнага кодэкса Рэспублікі Беларусь.
Пачалася праца па стварэнні археалагічнага музея пад адкрытым небам на Менцы
Археолагі сцвярджаюць, што старажытны горад на Менцы ўзнік у канцы X стагоддзя
У раскопках на Менцы чарговая сенсацыя: знайшлі могілкі XI стагоддзя
Менка ці Свіслач? Навукоўцы Акадэміі навук, здаецца, паставілі кропку ў дыскусіі, дзе зарадзіўся старажытны Менск
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы13
Каментары