Качанава наведала Полацкі малочны камбінат, дзе «самая складаная сітуацыя» ў краіне
Сярод 32 малочных камбінатаў самая складаная эканамічная сітуацыя — на полацкім.
Наведвала камбінат старшыня Савета Рэспублікі Наталля Качанава разам з членамі прэзідыума верхняй палаты Нацыянальнага сходу, уключаючы былых віцэ-прэм'ераў і кіраўнікоў Мінсельгаспрада Леаніда Зайца і Міхаіла Русага.
Аб чым дамовіліся дэлегацыя, невядома. Але чыноўніца заўважыла, што сітуацыя на камбінаце — самая складаная сярод іншых малочных вытворчасцяў у краіне.
«Сёння мы выпрацоўвалі пэўныя рашэнні, якія дапамогуць гэтаму прадпрыемству, а гэта не толькі пляцоўка ў Полацку, але і ў Віцебску. З 32 малочных камбінатаў, мабыць, самая складаная сітуацыя — на Полацкім малочным камбінаце», — распавяла яна.
Полацкі малочны камбінат — прадпрыемства ў Віцебскай вобласці, якое займаецца вытворчасцю малочнай прадукцыі, сухога малака і масла.
Цяпер чытаюць
Дзе была зніклая Яна ў свой апошні дзень і дзе яе знайшлі КАРТА3
Каментары