Намеснік міністра сувязі Павел Ткач расказаў пра перспектывы 5G у Беларусі.
Міністэрства сувязі збіраецца пачаць укараненне тэхналогіі 5G у Беларусі ў 2025 годзе.
У ведамстве мяркуюць, што новае рашэнне дазволіць у дзясяткі разоў павялічыць хуткасць перадачы ў сетках, піша «Точка».
«Перад намі стаіць задача максімальна хутка пакрыць усю тэрыторыю, але, каб адчуць эфект, пачнем з буйных гарадоў: Мінск і абласныя цэнтры, гарады 80-тысячнікі», — расказаў Павел Ткач.
Тэрмін, за які 5G будзе праведзены са сталіцы ў маленькія гарады, пакуль абмяркоўваецца. Прыкладна гаворка можа ісці пра пяць гадоў.
Часавыя рамкі і ўмовы вызначаць у нарматыўных прававых актах, аднак самі дакументы пакуль не падпісаныя. Пры гэтым у Беларусі толькі завяршаюць развіццё тэхналогій 3G і 4G.
У лістападзе міністр сувязі Канстанцін Шульган казаў, што карыстальніку ўсё адно, якая тэхналогія выкарыстоўваецца.
«Але 5G — гэта ўсяго толькі тэхналогія. Карыстальніку ўсё роўна: 5G, 6 або 4. Калі вы атрымліваеце якасную паслугу, то не задумваецеся над тым, па якой тэхналогіі яна аказваецца. У нас яшчэ ёсць рэзервы па развіцці 4G», — адзначаў тады міністр.
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары