Міністр сувязі: 5G — гэта ўсяго толькі тэхналогія. Карыстальніку ўсё роўна, 5G, 6 або 4
Канстанцін Шульган распавёў, калі ў Беларусі плануецца ўкараненне тэхналогіі 5G.

Міністр сувязі і інфарматызацыі адзначыў, што рашэнне аб укараненні гэтай тэхналогіі павінна прымацца на ўзроўні ўказа Лукашэнкі. Са слоў Шульгана, праект дакумента ўжо ёсць, найбліжэйшым часам плануецца пачаць выкананне.
Пры гэтым міністр паразважаў пра тое, што простаму карыстальніку ўсё роўна, якая тэхналогія выкарыстоўваецца.
«Але 5G — гэта ўсяго толькі тэхналогія. Карыстальніку ўсё роўна: 5G, 6 або 4. Калі вы атрымліваеце якасную паслугу, то не задумваецеся над тым, па якой тэхналогіі яна аказваецца. У нас яшчэ ёсць рэзервы па развіцці 4G», — лічыць Шульган.
Кіраўнік Мінсувязі таксама закрануў пытанне стварэння мабільнага аператара ад «Белтэлекама». Кампанія ўжо атрымала ліцэнзію, а развіццё аператара залежыць ад таго, па якой мадэлі пойдзе развіццё тэхналогіі 5G.
«Мабільным аператарам можна стаць па-рознаму, але гэтая задача стаіць адназначна», — заявіў Шульган.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары
Па сутнасці ён сказаў, што не паспяваюць нармальна ўкараніць 4G, каб яшчэ пра 5G задумвацца.
Майстэрства выдаваць свае недахопы за перавагі.