Мінсувязі хоча стварыць беларускі Windows, браўзер і офісны пакет
Такую задачу паставіў урад.
У Беларусі хочуць стварыць сваю аперацыйную сістэму, офісны пакет і вэб-браўзер. Пра гэта заявіў міністр сувязі і інфарматызацыі Канстанцін Шульган.
«У цяперашніх умовах зацверджаныя напрамкі — стварэнне айчынных аперацыйнай сістэмы, сістэмы забеспячэння асяроддзя віртуалізацыі, комплексу офісных праграм і вэб-браўзера — выступаюць важнай задачай для забеспячэння стабільнай працы ўсіх уцягнутых у эканоміку арганізацый і якаснага жыцця для нашых грамадзян», — цытуе Шульгана Telegraf.
Па словах міністра, распрацоўка такіх праектаў неабходная для лічбавага суверэнітэту краіны. Беларускі аналаг Windows збіраюцца мадыфікаваць пад патрэбы эканомікі.
Урад ужо стварыў пералік пілотных праектаў, над якімі будуць працаваць беларускія распрацоўшчыкі. Аднак гэты пералік не канчатковы — Шульган паабяцаў хуткім часам расказаць пра іншыя амбіцыйныя праекты.
Тэрміны стварэння беларускай Windows не называюцца.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары