Minsuviazi choča stvaryć biełaruski Windows, braŭzier i ofisny pakiet
Takuju zadaču pastaviŭ urad.
U Biełarusi chočuć stvaryć svaju apieracyjnuju sistemu, ofisny pakiet i veb-braŭzier. Pra heta zajaviŭ ministr suviazi i infarmatyzacyi Kanstancin Šulhan.
«U ciapierašnich umovach zaćvierdžanyja napramki — stvareńnie ajčynnych apieracyjnaj sistemy, sistemy zabieśpiačeńnia asiarodździa virtualizacyi, kompleksu ofisnych prahram i veb-braŭziera — vystupajuć važnaj zadačaj dla zabieśpiačeńnia stabilnaj pracy ŭsich uciahnutych u ekanomiku arhanizacyj i jakasnaha žyćcia dla našych hramadzian», — cytuje Šulhana Telegraf.
Pa słovach ministra, raspracoŭka takich prajektaŭ nieabchodnaja dla ličbavaha suvierenitetu krainy. Biełaruski anałah Windows źbirajucca madyfikavać pad patreby ekanomiki.
Urad užo stvaryŭ pieralik piłotnych prajektaŭ, nad jakimi buduć pracavać biełaruskija raspracoŭščyki. Adnak hety pieralik nie kančatkovy — Šulhan paabiacaŭ chutkim časam raskazać pra inšyja ambicyjnyja prajekty.
Terminy stvareńnia biełaruskaj Windows nie nazyvajucca.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary