Яны дазвалялі апазнаць «кансервы», якія выдаюцца за свежыя запісы.
Прэс-служба Крамля пачала выдаляць метаданыя з відэазапісаў і фатаграфій, зробленых на мерапрыемствах з удзелам Уладзіміра Пуціна, выявіў тэлеграм-канал «Можем объяснить».
Па гэтай унутранай інфармацыі, якая змяшчаецца ва ўласцівасцях файлаў, можна было даведацца, што фота і відэа, якія выдаюцца за свежыя, насамрэч былі зробленыя загадзя і з'яўляюцца так званымі «кансервамі».
Дата і час выдаленыя з уласцівасцяў усіх апошніх відэазапісаў і фатаграфій, апублікаваных на сайце Крамля.
Замест гэтых даных цяпер усюды стаяць нулі (гэта азначае, што рэальныя ўласцівасці файлаў падвергліся карэкціроўцы). Былі адрэдагаваныя нават файлы, якія не ўяўляюць асаблівай «пагрозы» для Пуціна — напрыклад, відэазапіс з прэс-падыходу гаспадара Крамля ў Казахстане, пасля саміта АДКБ.
Выдаленыя метаданыя і з відэазвароту Пуціна, у якім ён распавёў аб выкарыстанні ракеты «Арэшнік».
Ён быў апублікаваны 21 лістапада на сайце Крамля і ў яго тэлеграм-канале. У той заяве Пуцін паведаміў, што ўдар па «аб'ектах абаронна-прамысловага комплексу» стаў адказам на ўжыванне амерыканскай і брытанскай дальнабойнай зброі УСУ.
Звароту папярэднічалі паведамленні аб знікненні Пуціна — на сайце Крамля публікаваліся «кансервы» з ягоным удзелам (метаданыя там таксама выдаленыя).
Метаданыя дазвалялі даведацца, што відэа з Пуціным запісаныя загадзя. Гэта адбылося падчас абвяшчэння ім мабілізацыі ў верасні 2022 года.
Зварот Пуціна быў паказаны па федэральных тэлеканалах 21 верасня 2022 года а 9:00. Аднак відэа з заявай гаспадара Крамля, як высветліў «МО», было створана яшчэ 20 верасня а 22:19 — гэта значыць, за 11 гадзін да трансляцыі.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну39
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары