Jany dazvalali apaznać «kansiervy», jakija vydajucca za śviežyja zapisy.
Pres-słužba Kramla pačała vydalać mietadanyja ź videazapisaŭ i fatahrafij, zroblenych na mierapryjemstvach z udziełam Uładzimira Pucina, vyjaviŭ telehram-kanał «Možiem objaśniť».
Pa hetaj unutranaj infarmacyi, jakaja źmiaščajecca va ŭłaścivaściach fajłaŭ, možna było daviedacca, što fota i videa, jakija vydajucca za śviežyja, nasamreč byli zroblenyja zahadzia i źjaŭlajucca tak zvanymi «kansiervami».
Data i čas vydalenyja z ułaścivaściaŭ usich apošnich videazapisaŭ i fatahrafij, apublikavanych na sajcie Kramla.
Zamiest hetych danych ciapier usiudy stajać nuli (heta aznačaje, što realnyja ŭłaścivaści fajłaŭ padvierhlisia karekciroŭcy). Byli adredahavanyja navat fajły, jakija nie ŭjaŭlajuć asablivaj «pahrozy» dla Pucina — naprykład, videazapis z pres-padychodu haspadara Kramla ŭ Kazachstanie, paśla samita ADKB.
Vydalenyja mietadanyja i ź videazvarotu Pucina, u jakim jon raspavioŭ ab vykarystańni rakiety «Arešnik».
Jon byŭ apublikavany 21 listapada na sajcie Kramla i ŭ jaho telehram-kanale. U toj zajavie Pucin paviedamiŭ, što ŭdar pa «abjektach abaronna-pramysłovaha kompleksu» staŭ adkazam na ŭžyvańnie amierykanskaj i brytanskaj dalnabojnaj zbroi USU.
Zvarotu papiaredničali paviedamleńni ab źniknieńni Pucina — na sajcie Kramla publikavalisia «kansiervy» ź jahonym udziełam (mietadanyja tam taksama vydalenyja).
Mietadanyja dazvalali daviedacca, što videa z Pucinym zapisanyja zahadzia. Heta adbyłosia padčas abviaščeńnia im mabilizacyi ŭ vieraśni 2022 hoda.
Zvarot Pucina byŭ pakazany pa fiederalnych telekanałach 21 vieraśnia 2022 hoda a 9:00. Adnak videa z zajavaj haspadara Kramla, jak vyśvietliŭ «MO», było stvorana jašče 20 vieraśnia a 22:19 — heta značyć, za 11 hadzin da tranślacyi.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary