Грамадства77

Рэжысёр Андрэй Гнёт на волі, ён ужо пакінуў Сербію

Як паведамілі юрысткі Андрэя Гнёта «Радыё Свабода», ён ужо на волі і 31 кастрычніка быў перапраўлены на тэрыторыю Еўрасаюза.

Андрэй Гнёт. Фота з асабістага архіва

«Андрэй пакуль у шоку, просіць даць яму дзень і дзякуе ўсім, хто яго падтрымліваў!» — паведамілі выданню.

Сёлета ў чэрвені Андрэя Гнёта перавялі з бялградскай турмы пад хатні арышт. У верасні апеляцыйны суд у Бялградзе адмяніў рашэнне пра экстрадыцыю Гнёта ў Беларусь і вярнуў справу на новы разгляд у Высокі суд горада.

Вызваленне Андрэя Гнёта прывітала беларуская дэмакратычная лідарка Святлана Ціханоўская:

«Гэта вельмі добрая навіна. Я віншую Андрэя з доўгачаканай свабодай, вітаю і спадзяюся, што наперадзе яго чакае мірнае і бяспечнае жыццё. Надалей мы не павінны дазволіць рэжыму Лукашэнкі выкарыстоўваць міжнародныя механізмы для пераследу актывістаў. І мы будзем змагацца за кожнага, хто трапіў пад рэпрэсіі рэжыму».

Таксама пры гэтай нагодзе яна падзякавала ўсім, хто змагаўся за вызваленне Андрэя: адвакатам, палітыкам, журналістам, праваабаронцам, дыпламатам. Сярод тых, хто быў асабліва вылучаны, апынуліся прэзідэнт Сербіі Аляксандр Вучыч, старшыня Еўрапейскай камісіі Урсула фон дэр Ляен і МЗС Германіі.

41-гадовы Андрэй Гнёт — рэжысёр тэлерэкламы і музычных кліпаў, журналіст. Займаўся вытворчасцю відэапрадукцыі для аб'яднання SOS.by, якое ў Беларусі прызнана «экстрэмісцкім фарміраваннем».

Мужчына быў затрыманы 30 кастрычніка 2023 года памежнай службай Сербіі, калі прыляцеў у Бялград, пасля чаго перададзены паліцыі. Прычына затрымання — знаходжанне ў міжнародным вышуку на запыт беларускага бюро Інтэрпала ад 21 верасня 2023 года. Ведамства прасіла экстрадзіраваць Гнёта ў Беларусь для крымінальнага пераследу.

Спачатку мужчыну было вырашана выдаць Беларусі, але 12 сакавіка 2024 года Апеляцыйны суд у Белградзе адмяніў гэтую пастанову. Пасля гэтага справа аб экстрадыцыі Андрэя Гнёта пераглядалася яшчэ некалькі разоў.

Каментары7

  • бабруйчанін
    31.10.2024
    Янка, А калі ў Сербіі было інакш??
    З 2001 па 03 пры премьере Джынджыче якога забіў замкамандзіра спецназа Сербіі у змове з арганізаванай злачыннай групповкай....
  • Не чытаў
    01.11.2024
    Янка, вы артыкул чыталі ўвогуле? Ціханоўская персанальна падзякавала прэзідэнту Сербіі Аляксандру Вучычу за дапамогу ў вызваленні Гнёта.
  • Спадар
    01.11.2024
    Гэта ганьба для беларускіх дэмсіл. Чалавек — злачынца, ведаю, аб чым кажу. Я рады за Андрэя, што ён не перададзены рэжыму, але спадзяюся, што над ім будзе справядлівы суд у еўрапейскай краіне. Калі крадзеш — павінен адказваць. Так працуе закон.

Цяпер чытаюць

Раман Пратасевіч асвоіў прафесію бармена і адшукаў працу. Вось у якім бары можна яго знайсці11

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Усе навіны →
Усе навіны

У небе над Кіевам упершыню з 2022 года з'явіўся цывільны транспартны самалёт1

«Не для таго працую, каб тысячамі даляраў раскідвацца». Беларуска ў Польшчы праз суд спрабуе вярнуць заклад за кватэру9

Цэны на каву і апельсінавы сок у ЗША ўзляцяць да нябёсаў з-за мытаў5

Па справе Гаюна адбылося ўжо як мінімум шэсць судовых працэсаў

У Беларусі падаражэюць новыя аўтамабілі, а выбар у дылераў стане больш сціплым. Што змяняецца1

«Прыязджаеш без офера — будзе цяжка». Айцішнік-сеньёр працуе ў швейцарскім банку. Вось як да гэтага ішоў7

Загінуў камандзір 155-й брыгады, вайскоўцаў якой абвінавачвалі ў забойствах жыхароў Бучы8

Стала вядома, па якім механізме спісваліся грошы з банкаўскіх картак беларусаў падчас маштабнага збою7

У Мінску прадаецца кватэра з рэальна ўнікальным відам з ванны8

больш чытаных навін
больш лайканых навін

Раман Пратасевіч асвоіў прафесію бармена і адшукаў працу. Вось у якім бары можна яго знайсці11

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Галоўнае
Усе навіны →

Заўвага:

 

 

 

 

Закрыць Паведаміць