27 верасня палізняволеную Насту Лойку этапавалі з гомельскай жаночай калоніі, паведаміла «Радыё Свабодзе» крыніца. Насту этапуюць для ўдзелу ў судзе над актывісткамі, якіх вінавацяць паводле некалькіх палітычных артыкулаў Крымінальнага кодэкса.
Праваабаронцу Насту Лойку затрымалі ў кастрычніку 2022 года і асудзілі на 7 гадоў зняволення паводле артыкула 130 КК («Распальванне варожасці»). Крыніцы паведамлялі аб праблемах са здароўем, якія з'явіліся ў Насты ў вязніцы.
«У калоніі яна працуе, часам лістуецца з сваякамі. Паводле апошніх звестак, пачуваецца нармальна. Нядаўна мелі інфармацыю, што шмат перажывала за лёс сабакі Эрыка, але цяпер даведалася, што яе любімы пёс жывы, знаходзіцца пад наглядам добрых людзей, за яго можна не перажываць, такім чынам Наста крыху супакоілася», — расказала крыніца пра палітзняволеную праваабаронцу.
Паводле інфармацыі былых палітвязняў, этапаванне з Гомеля ў Мінск можа заняць больш за тыдзень і адбываецца ў жорсткіх умовах. Звестак пра тое, як пачуваецца Наста Лойка падчас этапавання, крыніца не мае.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары