Ва УСУ пацвердзілі страту самалёта F-16, падчас аварыі загінуў пілот
Украінскі пілот Аляксей Месь з пазыўным Мунфіш загінуў, пілатуючы самалёт F-16, паведаміла прэс-служба Паветраных сілаў Украіны.
Ва ўкраінскім Генштабе афіцыйна пацвердзілі, што адбылася аварыя з удзелам знішчальніка F16, які пілатаваў падпалкоўнік Аляксей Месь. Паводле паведамлення, пілот загінуў 26 жніўня падчас адбіцця расійскага паветранага ўдару. Падчас атакі ён знішчыў 3 крылатыя ракеты і 1 ударны беспілотнік, а пры заходзе на чарговую цэль сувязь з ім была страчаная.
Украінскай службе «Голаса Амерыкі» на ўмовах ананімнасці прадстаўнікі ўкраінскіх Паветраных сілаў паведамілі, што разглядаюцца розныя версіі прычын катастрофы, у прыватнасці «дружалюбны агонь» сваёй СПА, тэхнічная няспраўнасць і памылка пілота. Збіццё самалёта расійскімі войскамі нібыта выключаецца.
Аляксей Месь быў адным з першых украінскіх пілотаў, якія прайшлі навучанне на заходніх знішчальніках. Ён быў родам з Луцка. Паведамленне пра ягоную смерць мясцовыя ўлады давалі ўжо раней, але без згадкі, што ён пілатаваў менавіта F-16.
Сёння Аляксея Меся пахавалі на радзіме, яму пасмяротна прысвоілі званне палкоўніка.
Знішчальнік F-16 амерыканскай вытворчасці разбіўся ва Украіне — WSJ
Самалёты F-16 ужо выкарыстоўваюцца Украінай для збівання расійскіх ракет
Украінскія пілоты F-16 атрымалі нашлемныя прыцэлы, якія дазваляюць страляць позіркам. Як гэта працуе?
Ці шмат зменіцца ад таго, што ва Украіну прыбылі знішчальнікі F-16?
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары