Va USU paćvierdzili stratu samalota F-16, padčas avaryi zahinuŭ piłot
Ukrainski piłot Alaksiej Mieś z pazyŭnym Munfiš zahinuŭ, piłatujučy samalot F-16, paviedamiła pres-słužba Pavietranych siłaŭ Ukrainy.
Va ŭkrainskim Hienštabie aficyjna paćvierdzili, što adbyłasia avaryja z udziełam źniščalnika F16, jaki piłatavaŭ padpałkoŭnik Alaksiej Mieś. Pavodle paviedamleńnia, piłot zahinuŭ 26 žniŭnia padčas adbićcia rasijskaha pavietranaha ŭdaru. Padčas ataki jon źniščyŭ 3 kryłatyja rakiety i 1 udarny bieśpiłotnik, a pry zachodzie na čarhovuju cel suviaź ź im była stračanaja.
Ukrainskaj słužbie «Hołasa Amieryki» na ŭmovach ananimnaści pradstaŭniki ŭkrainskich Pavietranych siłaŭ paviedamili, što razhladajucca roznyja viersii pryčyn katastrofy, u pryvatnaści «družalubny ahoń» svajoj SPA, techničnaja niaspraŭnaść i pamyłka piłota. Źbićcio samalota rasijskimi vojskami nibyta vyklučajecca.
Alaksiej Mieś byŭ adnym ź pieršych ukrainskich piłotaŭ, jakija prajšli navučańnie na zachodnich źniščalnikach. Jon byŭ rodam z Łucka. Paviedamleńnie pra jahonuju śmierć miascovyja ŭłady davali ŭžo raniej, ale biez zhadki, što jon piłatavaŭ mienavita F-16.
Siońnia Alaksieja Miesia pachavali na radzimie, jamu paśmiarotna prysvoili zvańnie pałkoŭnika.
Źniščalnik F-16 amierykanskaj vytvorčaści raźbiŭsia va Ukrainie — WSJ
Samaloty F-16 užo vykarystoŭvajucca Ukrainaj dla źbivańnia rasijskich rakiet
Ukrainskija piłoty F-16 atrymali našlemnyja pryceły, jakija dazvalajuć stralać pozirkam. Jak heta pracuje?
Ci šmat źmienicca ad taho, što va Ukrainu prybyli źniščalniki F-16?
Kamientary