Ukrainskija piłoty F-16 atrymali našlemnyja pryceły, jakija dazvalajuć stralać pozirkam. Jak heta pracuje?
Čym jany admietnyja i jak pracujuć?
Našlemnyja pryceły JHMCS (Joint Helmet Mounted Cueing System) źjaŭlajucca amierykanskaj raspracoŭkaj, jakaja znachodzicca ŭ ekspłuatacyi z 2003 hoda. Jaje stvareńnie było abumoŭlena pryniaćciem na ŭzbrajeńnie ŭ 2002 hodzie madyfikavanych rakiet małoj dalnaści kłasa «pavietra-pavietra» AIM-9X.
Hetaja šmatfunkcyjanalnaja sistema nie tolki značna pavyšaje infarmavanaść piłota ab naziemnych i pavietranych celach, ale i zabiaśpiečvaje kiravańnie sistemami naviadzieńnia i datčykami samalota na adlehłaści. Jana zamianiaje indykatar na łabavym škle i dazvalaje piłotu stralać tudy, kudy nakiravany jaho pohlad.
Sistema maje mahnitny našlemny trekier, jaki vyznačaje, kudy nakiravanaja hałava piłota. Infarmacyja ab celi dvuma śvietadyjodami adlustroŭvajecca na vizary — achoŭnaj paneli-dysplei, jakaja źjaŭlajecca častkaj šlemu.
Piłotu dastatkova paviarnuć hałavu i złavić cel u sietku prycełu na dysplei biez vykarystańnia orhanaŭ ručnoha kiravańnia i bieź źmieny napramku palotu. Heta dazvalaje atrymać pieravahu ŭ bai, ździejśniŭšy streł pieršym.
Intehravanaja ŭ šlem kamiera zapisvaje danyja ab palocie i naviadzieńni, što karysna dla analizu paśla palotu.
Tut takoje dieło, ukrainskije piłoty połučili k F-16 jeŝie i pricieły JHMCS, eto kohda piłot vidit vsie pribory na stiekle svojeho šlema i možiet strielať tuda, kuda on smotrit. U rośsijskij piłotov poka ničieho podobnoho i blizko niet. pic.twitter.com/7iZgocnsVt
Sistema moža vyvodzić infarmacyju jak u dzionnym, tak i načnym režymach. Lohki šlem vyznačajecca palepšanaj vahavaj bałansiroŭkaj, što dazvalaje źmienšyć stomlenaść piłotaŭ, asabliva ŭ čas praciahłych palotaŭ.
Paviedamlajecca, što našlemnyja pryceły JHMCS atrymali ŭkrainskija piłoty F-16. Rasija padobnych sistem nie maje.
Ciapier čytajuć
Žonku adnaho z hałoŭnych turemščykaŭ Biełarusi pasadzili ŭ kałoniju za ŭdzieł u pratestach5
Kamientary