Eks-premjer Litvy raskazaŭ, što jaho zaprašała pierajechać u Biełaruś tajamničaja žurnalistka
Litoŭski palityk i deputat Saŭlus Skviarnialis zajaviŭ, što jaho zaprašali ŭ Biełaruś. Pavodle jaho słoŭ, jon atrymaŭ dva elektronnyja listy ad nibyta žurnalistki ź Biełarusi, u jakich jamu prapanoŭvałasia pakinuć Litvu praz «palityčny pieraśled», piša Reform.news.
Raniej Saŭlus Skviarnialis zajmaŭ pasadu premjer-ministra Litvy, a taksama byŭ lidaram partyi «Demakratyčny sajuz «U imia Litvy»». Ciapier jon źjaŭlajecca šarahovym deputatam Siejma i padazravanym u spravie ab karupcyi. Jon vymušany nasić elektronny branzalet, ustalavany pravaachoŭnymi orhanami, što ŭžo vyklikała niepryjemnyja dla jaho situacyi ŭ parłamiencie, kali pryłada spracoŭvała ŭ budynku i prymušała deputata pakidać pasiadžeńni.
Pavodle słoŭ Skviarnialisa, takija prapanovy pastupili jašče da taho, jak jamu byli vystaŭlenyja abvinavačańni, a Siejm pazbaviŭ jaho niedatykalnaści ŭ miežach hetaj spravy.
«Mianie zaprasili pryjechać u Biełaruś — surjozna. Ja atrymaŭ dva elektronnyja listy ad hramadzianki Biełarusi, žurnalistki. Heta było jašče da ŭsich pracesaŭ tut, da vystaŭleńnia padazreńniaŭ. U ich było napisana, što, pavodle ich źviestak, ja znachodžusia pad padazreńniem, pačniecca palityčny pieraśled, tamu mianie zaprašajuć u Biełaruś, dzie stvorać usie ŭmovy, mahčymaści, a taksama daduć resursy i finansavuju padtrymku dla mianie i majoj siamji», — raspavioŭ palityk.
Skviarnialis dadaŭ, što paličyŭ hetyja listy pravakacyjaj i pierasłaŭ ich u Departamient dziaržaŭnaj biaśpieki. U DDB paćvierdzili, što atrymali zvarot ad palityka, adnak ad kamientaroŭ ustrymalisia.
Našeńnie elektronnaha branzaleta było pradpisana sudom Skviarnialisu z-za «farmalnaha parušeńnia», jak śćviardžaje jon sam. Pavodle nieaficyjnaj infarmacyi litoŭskich ŚMI, pryčynaj stała jaho kamunikacyja ź inšaj fihurantkaj hetaj spravy.
Varta adznačyć, što niadaŭna ŭ Biełarusi atabaryŭsia skandalna viadomy aktyvist i biznesmien Antanas Kandrotas-Cełafanas, jakoha abvinavačvajuć u finansavych złačynstvach. U Biełarusi taksama znajšli prytułak prarasijskija aktyvisty ź Litvy i Łatvii. Akramia taho, u Minsk uciok polski sudździa Tomaš Šmit, jaki mieŭ prablemy z zakonam.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary