Vypadak adbyŭsia na rejsie Minsk — Smalavičy.
14 lipienia na pryharadnym maršrucie №447 adbyŭsia incydent, jaki aburyŭ baćkoŭ: dzicia ź invalidnaściu apynułasia na ŭzbočynie paśla taho, jak kiroŭca zapatrabavaŭ apłacić prajezd, chacia pavodle zakanadaŭstva jano maje prava na biaspłatny prajezd. Bolš za toje, za adzin dzień kiroŭca dvojčy admoviŭsia pieravozić niepaŭnaletniaha pasažyra, paviedamlaje smolevichi-24.by.
A 7:37 na prypynku «Dzinaraŭka» na maršrucie «Minsk — Smalavičy» kiroŭca aŭtobusa zapatrabavaŭ ad dziciaci apłacić prajezd, niahledziačy na toje, što niepaŭnaletni mieŭ pry sabie sapraŭdnaje paśviedčańnie invalida III hrupy, jakoje daje prava na biaspłatny prajezd. Paśla admovy apłačvać prajezd kiroŭca vysadziŭ pasažyra.
A 13:38 historyja paŭtaryłasia ŭžo na prypynku «Biełarečanskaja» ŭ zvarotnym kirunku. Toj samy kiroŭca znoŭ nie ŭziaŭ u aŭtobus dzicia ź invalidnaściu, spasłaŭšysia na nibyta nieapłačany prajezd.
Vyśvietliłasia, što kiroŭca sapraŭdy parušyŭ patrabavańni zakanadaŭstva, ale, jak akazałasia, z-za ŭłasnaha niedastatkovaha viedańnia pravavych normaŭ.
«My ŭstanavili, što kiroŭca, jaki absłuhoŭvaŭ maršrut №447 «Minsk — Smalavičy», sapraŭdy dapuściŭ niepravamiernyja dziejańni, kirujučysia pamyłkovym asabistym tłumačeńniem normaŭ zakanadaŭstva, jakija rehulujuć pieravozku dziaciej ź invalidnaściu, — prakamientavaŭ situacyju dyrektar aŭtaparka №18 Juryj Kulvanoŭski. — My prynosim svaje prabačeńni pasažyru i jaho zakonnym pradstaŭnikam za pryčynieny stres i niazručnaści».
-
Arhanizatary biełaruskaha TEDx u Varšavie dahetul nie atrymali hrošy za pradadzienyja kvitki — kampanija biełarusa zatrymlivaje ich užo 4 miesiacy
-
Vypusknik pinskaj škoły padaryŭ joj sučasnuju spartyŭnuju placoŭku
-
Biełarusy nakidali zorcy «Univiera» za pavodziny ŭ Minsku — a toj badaj i nie zrazumieŭ za što
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»15
Kamientary