U «DNR» zbajodali moščy Alaksandra Nieŭskaha. Ich vieźli na malebien ab pieraadoleńni paliŭnaha kryzisu
Troje vajskoŭcaŭ pry hetym zahinuli.
Moščy śviatoha Alaksandra Nieŭskaha
«Častka moščaŭ śviatoha kniazia Alaksandra Nieŭskaha była adpraŭlena na front viasnoj ź inicyjatyvy ministra abarony Andreja Biełavusava. Ź leta relikvija vykarystoŭvałasia dla praviadzieńnia malebnaŭ ab pieraadoleńni paliŭnaha kryzisu, u pryvatnaści — za adnaŭleńnie pastavak paliva ŭ Krym. Śviatyniu nie ŭdałosia zachavać», piša telehram-kanał «Kramloŭskaja tabakierka».
«Moščy śviatoha kniazia Alaksandra vajskoŭcy vieźli na svaim hruzaviku da adnaho z važnych abjektaŭ u DNR. Tam płanavaŭsia malebien ab pieraadoleńni kryzisu z palivam na Danbasie i va ŭsioj Rasii. Pa darozie adbyłasia ataka z vykarystańniem niekalkich dronaŭ. Na žal, śviatynia była całkam stračanaja. Dobra, što ŭ DNR pryvieźli tolki častku moščaŭ. Ale strata vielizarnaja. Padčas ataki zahinuli troje aficeraŭ. Voś takija drennyja naviny», — raspaviała krynica ŭ Ministerstvie abarony.
U Ministerstvie ciapier aścierahajucca kanfliktu pamiž Biełavusavym i patryjarcham Kiryłam. Heta ŭžo nie pieršaja śviaščennaja relikvija, stračanaja na froncie.
Letaś u vyniku abstrełu była stračana častka moščaŭ śviatoj Matrony Maskoŭskaj. Ich taksama adpravili na front z asabistaj inicyjatyvy ministra
«Spadziajomsia, što Boh nie pakinie nas. Ale ciapier nastroj vielmi drenny, pryhniečany. Vierym, što, niahledziačy ni na što, na front prybuduć novyja śviatyni», — dadaŭ surazmoŭca kanała.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary