Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali
Dziaŭčaty ŭciakli na inšaje siadzieńnie, a mužčynu źniali na videa vidavočcy.
U sacsietkach razyšłosia videa, źniataje ŭ minskim mietro 14 lipienia. Na im poŭny mužčyna siarednich hadoŭ pakazvaje niekamu pachabnyja žesty.
«Padsieŭ da niepaŭnaletnich dziaŭčatak i rezka pačaŭ čapać. Jany adrazu ž ustali, uciakli na inšaje siadzieńnie. Na vypadak, kali jon vyrašyć praciahnuć, ja pačaŭ zdymać», — apisaŭ vidavočca, jaki vykłaŭ videa.
«Dalej jon da ich nie pajšoŭ. Moža, krajem voka ŭbačyŭ, što jaho zdymajuć. Ale žesty ŭ kirunku dziaŭčat pakazvać praciahvaŭ. U vahon zajšoŭ na Kastryčnickaj u kirunku Malinaŭki», — dadaje jon.
Milicyja nieŭzabavie paviedamiła, što zatrymała taho 46‑hadovaha biespracoŭnaha minčanina.
«Pavodle słoŭ zatrymanaha, jon pryjechaŭ u Minsk pa pakupki, užyŭ śpirtnoje, a zatym u mietro zachacieŭ paznajomicca ź dziaŭčynaj — u suviazi z hetym demanstravaŭ joj nieprystojnyja žesty.
Ciapier pravodzicca pravierka, dziejańniam zatrymanaha budzie dadziena pravavaja acenka», — skazana ŭ kanale staličnaj milicyi.
Ciapier čytajuć
Pačobut parazvažaŭ, ad čaho zaležyć budučynia Biełarusi1
Kamientary
[Zredahavana]