Telehram-kanał Nadvorie paviedamiŭ, što ŭviečary 13 lipienia ŭ adnym z punktaŭ Biełarusi zafiksavali paryŭ vietru 34 m/s (122,4 km/h). Pavodle škały Bofarta, jakaja vymiaraje siłu vietru, heta ŭrahan — navat macniejšy za žorstki štorm, piša vydańnie «Smartpres».
Taki mahutny paryŭ zarehistravała mieteastancyja ŭ Salihorsku kala 21:50 u paniadziełak. Pa škale Bofarta, urahanam ličycca viecier ad 32,7 m/s i bolš.
Jak patłumačyli śpiecyjalisty, takuju źjavu, chutčej za ŭsio, vyklikaŭ vilhotny mikraparyŭ pad nievialikim, ale vielmi intensiŭnym navalničnym jadrom.
Biełaruś u toj viečar znachodziłasia ŭ ciopłaj vilhotnaj i niaŭstojlivaj pavietranaj masie, a madeli ICON i ECMWF pakazvali vysoki patencyjał sychodnych patokaŭ: DCAPE składaŭ kala 800 Dž/kh. Pry hetym viertykalny zruch vietru byŭ słabym, tamu scenaryj supieriačejki ličyŭsia mienš imaviernym.
Spadarožnikavyja i radyjołakacyjnyja danyja paćvierdzili mahutnaść navalnicy. Tempieratura viaršyni vobłaka apuskałasia prykładna da -55°C, vierchniaja miaža radyjorecha dasiahała 13—14 km, a adbivalnaść u kampaktnym jadry — 62 dBZ. Heta śviedčyć pra vialikuju kolkaść vady, lodu, krupaŭ i, mahčyma, hradu ŭnutry vobłaka.
Kali masa hidramieteoraŭ pačała apuskacca, padzieńnie čaścic, vypareńnie daždžu, rastavańnie hradu i sublimacyja lodu ŭzmacnili sychodny patok, jaki kala ziamli i daŭ urahanny paryŭ.
Praŭda, viecier na 34 m/s — heta nie rekord dla Biełarusi za ŭvieś čas nazirańniaŭ. Rekordnaja chutkaść, zafiksavanaja ŭ krainie, składaje 40 m/s, abo 144 km/h. Takoje značeńnie adznačali na niekalkich mieteastancyjach:
- Słuck — 2 žniŭnia 1959 hoda;
- Ivacevičy — 11 žniŭnia 1961 hoda;
- Dokšycy — 2 listapada 1969 hoda;
- Šarkaŭščyna — 2 listapada 1969 hoda.
To-bok samy mocny viecier u respublicy byŭ 56,5 hadoŭ tamu. A 7 žniŭnia 2023 hoda paryŭ na 36 m/s zarehistravała avijacyjnaja mieteastancyja Orša, paviedamlaŭ Biełhidramiet.
Značyć, viecier 13 lipienia 2026‑ha staŭ samym mahutnym ź leta 2023 hoda — rekord za 3 hady.
U Viciebsku razyhrałasia niepahadź, paciarpieŭ navat pomnik Leninu FOTY i VIDEA
U Homieli mužčyna źniaŭ małanku zusim pobač z saboj VIDEA
Jak navukoŭcy chočuć abaranić Ziamlu ad soniečnaj bury, zdolnaj viarnuć cyvilizacyju ŭ kamienny viek
Na radzimie Kastusia Kalinoŭskaha bura paškodziła staryja mohiłki. Pravasłaŭnaja parafija prosić dapamohi — abo hrašyma, abo chto moža pryjechać ź bienzapiłkaj
Ciapier čytajuć
Vyjšaŭ na svabodu vybitny chirurh Andrej Lubiecki4
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Kamientary