Častku majomaści Homielskaha vinarobčaha zavoda vystavili na aŭkcyjon praź ciažkaje finansavaje stanovišča pradpryjemstva.
Na prodaž vystavili administracyjna-bytavy korpus u Rečycy, asfaltavanuju placoŭku pierad im, a taksama šerah inžyniernaha abstalavańnia, u tym liku aciaplalny kacioł, ciepłaabmieńnik, kandycyjaniery, ciepłaličylniki i kabielnuju liniju. Razam z hetym pradajucca pravy pastajannaha karystańnia dvuma ziamielnymi ŭčastkami ahulnaj płoščaj kala 4,16 hiektara. Pačatkovy košt łota składaje 164 439 rubloŭ.
Pavodle finansavych pakazčykaŭ, u 2025 hodzie vyručka zavoda skaraciłasia bolš čym utraja — z 17,5 da mienš jak 5,5 miljona rubloŭ. Adnačasova čystyja straty pavialičylisia z 2,4 da 2,7 miljona rubloŭ. Praz zapazyčanaść pa padatkach i ŭznosach u Fond sacyjalnaj abarony nasielnictva na majomaść pradpryjemstva byli nakładzienyja abmiežavańni na rehistracyjnyja dziejańni.
Heta ŭžo nie pieršaja sproba pradpryjemstva pradać svaje aktyvy. Raniej na aŭkcyjon užo vystaŭlalisia inšyja abjekty nieruchomaści i vytvorčaje abstalavańnie, adnak istotna palepšyć finansavaje stanovišča zavoda heta nie dapamahło.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu8
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary