Экс-дырэктар салігорскага «Шахцёра» атрымаў 6 гадоў калоніі, спецыяліст па працы з фанатамі — 7 гадоў
Аляксандра Марчанку і Яўгена Култаева-малодшага прызналі вінаватымі ў крадзяжах.
Былы дырэктар футбольнага салігорскага «Шахцёра» Аляксандр Марчанка атрымаў шэсць гадоў калоніі. Яго прызналі вінаватым у крадзяжы шляхам злоўжывання службовымі паўнамоцтвамі, гэта значыць па артыкуле 210 КК.
Яўген Култаеў-малодшы, які адказваў у клубе за працу з заўзятарамі, асуджаны да сямі гадоў пазбаўлення волі па тым самым артыкуле.
Як паведамляюць блізкія да сілавікоў каналы, расійскі грамадзянін Яўген Култаеў-старэйшы, які адказваў у «Шахцёры» за трансферы, знаходзіцца ў вышуку. Адзначаецца, што ён з'ехаў у Латвію.
Кіраўнікоў клуба абвінавачвалі ў махінацыях з трансферамі. Паводле даных следства,
у чэрвені 2021 года ў ФК «Шахцёр» з еўрапейскіх футбольных клубаў перайшоў шэраг спартсменаў. Выкарыстоўваючы звесткі аб названых трансферах у супрацьпраўных мэтах, абвінавачаныя ў жніўні 2021 года склалі і падпісалі дамовы, якія змяшчаюць загадзя недакладныя звесткі аб аказанні агенцкіх паслуг па забеспячэнні пераходу футбалістаў у гэты клуб.
У мэтах выканання названых фіктыўных дамоў на падкантрольны аднаму з абвінавачаных банкаўскі рахунак ад футбольнага клуба было пералічана больш за 200 тысяч беларускіх рублёў».
«Трыбуна» расказвала, што схему арганізаваў расійскі агент Яўген Култаеў-старэйшы. Ён аформіў ІП на юрыдычную асобу, праз якую атрымаў адкат за адзін з трансфераў. Крыніцы сцвярджалі, што ягоны сын Яўген Култаеў-малодшы, які працаваў у клубе афіцыйна, выступаў у схеме ў якасці кур'ера, аднак, мяркуючы па ўсім, стаў крайнім.
Праблемы ў «Шахцёра» пачаліся ў студзені 2023 года. Тады клуб абвінавацілі ва ўплыве на вынікі некалькіх матчаў у чэмпіёнскім сезоне-2022, у тым ліку шляхам подкупу. Тытула клуб у выніку пазбавілі, таксама ў «Шахцёра» адабралі 30 балаў у мінулым сезоне і 20 — у цяперашнім. Аднак затым высветлілася, што сілавікоў зацікавілі і фінансавыя аперацыі, якія праводзіла кіраўніцтва клуба і «шэры кардынал» — Яўген Култаеў-старэйшы, які на лаву падсудных не трапіў.
Чаму апошні кейс з дагаварнякамі ў беларускім футболе — лютая ганьба
Чорная бухгалтэрыя, назапашаныя даўгі, сумнеўныя трансферы. Як працуюць каламутныя схемы ў салігорскім «Шахцёры»
Салігорскі «Шахцёр» аштрафавалі і адхілілі ад еўракубкаў
Вынеслі прысуд былому спартыўнаму дырэктару «Шахцёра». Яго адпусцілі ў зале суда
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам26
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары
А пра подкуп і ўздзеянне на вынікі - брахня. Проста чэмпіён ня той, які цар пажадаў. Заатэхнік і сёлета зробіць таго, каго патрэбна. Гарадзенцам і багуслаўцам - не дрыгацца! А Шахцёр па сутнасці ўжо забілі.