Грамадства22

«Абсалютна несумленна сцвярджаць, што «Белсат» не будзе незалежным». Кіраўнік TVP World — пра будучыню канала

Міхаіл Бранятоўскі заявіў, што беларускамоўнае вяшчанне не скароціцца ў тры разы, а ўсе супрацоўнікі «Белсата» працягнуць працу, піша «Позірк».

Міхал Бранятоўскі (справа) на мітынгу ў падтрымку тэлеканала «Белсат». Злева Зянон Пазняк Фота: «Позірк»

«Белсат» будзе вяшчаць на адным канале з рэдакцыямі на ўкраінскай і расійскай мовах, аднак скарачэнне беларускамоўнага вяшчання будзе не трохразовым, а з цяперашніх 12 да прыкладна 8 гадзін. Пра гэта заявіў у эксклюзіўным каментары «Позірку» дырэктар і галоўны рэдактар тэлекампаніі TVP World Міхал Бранятоўскі, планаваны дырэктар Цэнтра замежных праграм (ЦЗП), які будзе аб’ядноўваць усе польскія каналы, што вяшчаюць на замежных мовах, у тым ліку «Белсат».

Бранятоўскі даў каментар пасля праведзенага насупраць канцылярыі прэм’ер-міністра Польшчы мітынгу-пікету ў падтрымку «Белсата», арганізаванага рухам Зянона Пазняка «Вольная Беларусь» і арганізацыяй беларускіх нацыяналістаў «Рух». Менавіта на акцыі было заяўлена, што вяшчанне скароціцца ўтрая.

«Абсалютна несумленна казаць, што «Белсат» не будзе незалежным. Рэдакцыя « Белсату «будзе цалкам беларускай, не будзе ніякіх «замоваў» на тое, каб асвятлялася тое, што хоча Міністэрства замежных справаў, ці не асвятлялася тое, што яно не хоча. Прынамсі, пакуль я буду адказваць за гэта. Калі хочаце, можаце потым мяне цытаваць, калі гэта здарыцца», — заявіў Бранітоўскі.

Адказваючы на пытанне «Позірку» адносна актыўна распаўсюджваецца ў СМІ інфармацыі пра нібыта ўнікальнае праграмнае забеспячэнне «Белсата», што дазваляе забяспечыць надзейную абарону, у прыватнасці ад хакерскіх нападаў, якога няма ў TVP World, суразмоўца адзначыў, што «ўсе гэтыя праграмы можна купіць з паліцы ў Амерыцы».

Выступаючы на мітынгу, Бранятоўскі заявіў, што ўсе цяперашнія супрацоўнікі «Белсата» працягнуць працу на канале пасля рэформы.

Пра тое, што «Белсат» плануюць уключыць у склад новай польскай медыяструктуры — Цэнтра замежных праграм (ЦЗП), стала вядома 4 ліпеня. Тады Бранятоўскі паведаміў, што асноўная праца па стварэнні ЦЗП ўжо праведзеная, цяпер распрацоўваецца яго рэгламент і структура.

Мяркуецца, што ў склад ЦЗП, акрамя «Белсата», увойдуць расійскі канал «Вось так» і «ўкраінская рэдакцыя». Плануецца, што новая структура пачне працаваць 1 сакавіка 2025 года. Кіраваць ЦЗП будзе TVP World.

«Ліквідацыі «Белсата» не будзе, будзе новая структура. Хачу падкрэсліць: «Белсат» не знікае, ён толькі набывае новыя магчымасці, — адзначаў тады Бранятоўскі. — Кожнае тэлебачанне ўнутры групы будзе працаваць пад сваім сцягам, у іх будзе свой бюджэт і аўтаномія».

Каментары2

  • Агнешка з гузікам
    09.08.2024
    Ну нечакана, каб Пазняк так глядзеў у рот гэтаму пану! Чаго вы пікетуеце-жабрачыце на беларускі канал ад гэтых палякаў? Трэба самім збіраць грошы і рабіць свой уласны канал, незалежны ані ад паноў, ані ад жамойтаў, ані ад грантасмокаў-эндзіэйшчыкаў Ціханоўскай.
    Вольная Беларусь, не ганьбіцеся, займіцеся справай!
  • Бюджэтны дзяржканал
    09.08.2024
    Я незалежны

Цяпер чытаюць

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?7

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?

Усе навіны →
Усе навіны

Расійскія шпіёны сачылі за Грозевым з дапамогай шпіёнскіх акуляраў. Вось як гэта было

Стала вядома, якім можа быць «лёгкі першы крок» Трампа, калі Расія праігнаруе ягоны ультыматум4

Сяргей Бульба назваў роспуск «Паспалітага рушэння» «глыбінным перафарматам»

БДУ падвёў вынікі ўступнай кампаніі. Сталі вядомыя самыя папулярныя спецыяльнасці

Расія разглядае прапанову аб «паветраным перамір’і» з Украінай, але без спынення вайны10

Навукоўцы высветлілі, чаму ў Ціхім акіяне вымерлі мільярды марскіх зорак4

Беларус знайшоў манету I стагоддзя. Ці можна на ёй узбагаціцца?2

Трамп заявіў, што, «напэўна», не пойдзе на трэці тэрмін2

«Флагшток» склаў карту начных пралётаў дронаў над Гомельшчынай. Сітуацыя незвычайная6

больш чытаных навін
больш лайканых навін

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?7

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?

Галоўнае
Усе навіны →

Заўвага:

 

 

 

 

Закрыць Паведаміць