Кабанчук патлумачыў, чаму каліноўцы не заходзяць з рэйдамі ў Беларусь
Расійскі добраахвотніцкі корпус часам праводзіў аперацыі на тэрыторыі Расіі. Беларускія ваяры такіх рэйдаў не збіраюцца рабіць — былы намеснік камандзіра палка Каліноўскага, а цяпер «міністр абароны» ў Аб'яднаным пераходным кабінеце Вадзім Кабанчук у інтэрв'ю «Маланцы» патлумачыў чаму.
«Я проста не разумею, якую мэту можна дасягнуць гэтымі рэйдамі. Таму што рэйд расійскіх добраахвотнікаў зразумелы — адцягнуць сілы з іншых участкаў фронту.
Тады былі таксама так званыя выбары Пуціна ў Расіі, магчыма, гэта была прычына», — разважае Кабанчук.
Ён дадае: на мяжы служаць вайскоўцы тэрміновай службы — гэта маладыя хлопцы, частка з якіх магла ўдзельнічаць у пратэстах у 2020-м.
«Гэта самы горшы сцэнарый, што хтосьці дзесьці зойдзе і пачне забіваць адзін аднаго. Да Лукашэнкі ж такім чынам мы не дабярэмся. Таму ў пэўнай ступені я на сённяшні час быў бы нават супраць такіх акцый, бо іх можна расцэньваць як правакатыўныя».
Кабанчук лічыць, што сітуацыя ў Беларусі вырашыцца інакш. Ён праводзіць паралель з Другой сусветнай вайной, калі шэраг краін пасля ўзяцца Берліна былі дэакупаваны без баёў, і тлумачыць, што найбольшая праблема для Беларусі цяпер — пуцінскі рэжым.
Замест Сахашчыка ў Аб'яднаным пераходным кабінеце цяпер будзе Кабанчук
Каліновец Вадзім Кабанчук спыніў кантракт з Узброенымі сіламі Украіны
«Украінцы казалі ў 1990-я: будзе вайна з Масквой». Кабанчук расказаў, як беларусы праходзілі вышкал у лагеры Дзмітрыя Яраша на Галіччыне
«Мы знайшлі месца, дзе была закапана машына Красоўскага». Кабанчук згадаў, як расследаваў справу зніклых палітыкаў
Як вадзіў за нос КДБ, расследаваў справу зніклых палітыкаў і арганізоўваў падполле. Новы ТОК з Вадзімам Кабанчуком
Цяпер чытаюць
«Быў упэўнены, што я недатыкальная асоба для расіян». Першае інтэрв'ю Юрася Зянковіча на свабодзе30
Каментары