Што расказаць пра сустрэчу Лукашэнкі з Пуціным на Валааме, не ведае і прапаганда
У нядзелю на дзяржаўным тэлебачанні выйшлі падсумавальныя сюжэты пра тыдзень Аляксандра Лукашэнкі. Паездку да Уладзіміра Пуціна на востраў Валаам згадалі, але пра што там вялася размова — ніякай канкрэтыкі.
У сюжэце на БТ расказалі пра доўгую гісторыю Валаама і адзначылі, што гэта месца, дзе чалавек прыходзіць да «правільных стратэгічных высноў»
«Для перамоў таксама пэўны фундамент — рэгіянальная бяспека, міжнародны парадак дня — усё гэта менавіта цяпер патрабуе ўзважаных і абдуманых адказаў. Большую частку часу камунікацыя лідараў праходзіла ў закрытым фармаце, але менавіта такі і ёсць сам Валаам — востраў, дзе многае вядома вельмі загадзя і адкрываецца гэта толькі тым, хто можа ўсё змяніць», — пафасна скончыла свой сюжэт вядучая.
Прапагандыст Ігар Тур у сюжэце на АНТ адзначыў, што пэўна нейкія дэталі перамоў Лукашэнка раскажа на наступным тыдні, «з таго, што можна».
Што абмяркоўвалі на Валааме? Тур толькі выказаў здагадкі, што, магчыма, нядаўнюю заяву Лукашэнкі пра адвод войскаў ад украінскай мяжы («самыя разумныя рэзонна меркавалі, што ў гэтым ёсць нейкая сумесная стратэгія Мінска і Масквы» — так ён намякаў на шквал крытыкі з боку Z-каналаў) і эканоміку.
«Яны дамаўляліся, гэта галоўнае», — толькі і змог паведаміць Тур пра трохдзённую паездку Лукашэнкі ў Расію.
Цяпер чытаюць
Бабарыка зоймецца бізнэсам — ужо адкрыў кампанію ў Германіі17
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары