Što raskazać pra sustreču Łukašenki z Pucinym na Vałaamie, nie viedaje i prapahanda
U niadzielu na dziaržaŭnym telebačańni vyjšli padsumavalnyja siužety pra tydzień Alaksandra Łukašenki. Pajezdku da Uładzimira Pucina na vostraŭ Vałaam zhadali, ale pra što tam viałasia razmova — nijakaj kankretyki.
U siužecie na BT raskazali pra doŭhuju historyju Vałaama i adznačyli, što heta miesca, dzie čałaviek prychodzić da «pravilnych stratehičnych vysnoŭ»
«Dla pieramoŭ taksama peŭny fundamient — rehijanalnaja biaśpieka, mižnarodny paradak dnia — usio heta mienavita ciapier patrabuje ŭzvažanych i abdumanych adkazaŭ. Bolšuju častku času kamunikacyja lidaraŭ prachodziła ŭ zakrytym farmacie, ale mienavita taki i jość sam Vałaam — vostraŭ, dzie mnohaje viadoma vielmi zahadzia i adkryvajecca heta tolki tym, chto moža ŭsio źmianić», — pafasna skončyła svoj siužet viadučaja.
Prapahandyst Ihar Tur u siužecie na ANT adznačyŭ, što peŭna niejkija detali pieramoŭ Łukašenka raskaža na nastupnym tydni, «z taho, što možna».
Što abmiarkoŭvali na Vałaamie? Tur tolki vykazaŭ zdahadki, što, mahčyma, niadaŭniuju zajavu Łukašenki pra advod vojskaŭ ad ukrainskaj miažy («samyja razumnyja rezonna mierkavali, što ŭ hetym jość niejkaja sumiesnaja stratehija Minska i Maskvy» — tak jon namiakaŭ na škvał krytyki z boku Z-kanałaŭ) i ekanomiku.
«Jany damaŭlalisia, heta hałoŭnaje», — tolki i zmoh paviedamić Tur pra trochdzionnuju pajezdku Łukašenki ŭ Rasiju.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?4
Kamientary