У Мінску скардзяцца на затрымку выдачы пашпартоў. У чым прычына?
Жыхары Мінска скардзяцца на затрымкі з выдачай новых пашпартоў. Пазней устаноўленага тэрміну атрымліваюць іх і тыя, хто мяняў дакументы ў звычайным парадку, і тыя, хто заплаціў за паскораны выраб. Вось што кажуць пра гэта людзі і што адказваюць у Дэпартаменце па грамадзянстве і міграцыі, піша «Люстэрка».
«Паставілі нейкую машыну новую — настройваюць»
Пара з Мінска збіралася ў адпачынак у канцы ліпеня і загадзя пайшла мяняць пашпарты. Падалі дакументы ў пачатку чэрвеня — часу яшчэ хапала, вырашылі не даплочваць за паскораны выраб, месяц чакання іх задавальняў. Але давялося чакаць даўжэй.
«Калі праз месяц пайшлі забіраць новыя пашпарты, сказалі, што яны яшчэ не гатовыя, таму што нейкія тэхнічныя праблемы з друкам. Калі будуць гатовыя, невядома. У выніку прачакалі амаль паўтара месяца адзін пашпарт, другі — на пару дзён даўжэй, таму што падаваліся ў розных раёнах», — падзяліўся праблемай чытач.
З-за затрымкі яму давялося зрушваць планы па адпачынку.
На падобную сітуацыю скардзяцца беларусы і ў чатах.
«Аплацілі паскарэнне за два тыдні, у панядзелак скончыўся тэрмін, а пашпарт не гатовы. Патрэбен быў да суботы, цяпер трэба ўсе планы мяняць. Тэлефаную ў АГіМ па тры разы на дзень. Паставілі нейкую машыну новую,якая [дакументы] друкуе, — пакуль трацяць дні, настройваюць», — напісала ў адной з гарадскіх суполак мінчанка і пацікавілася: «Я магу напісаць заяву на вяртанне грошай за паслугу?»
«Сяброўка рабіла біяметрычны платна — выдалі за тры дні, а тым, хто рабіў бясплатна звычайныя пашпарты, у калідоры аб'явілі, што яны яшчэ не гатовыя і трэба чакаць СМС. Папярэдзілі, што тэрміны вельмі зацягваюцца», — напісала яшчэ адна жыхарка Першамайскага раёна сталіцы.
Колькі чакаць?
У Дэпартаменце грамадзянства і міграцыі МУС, куды патэлефанавала журналістка «Люстэрка», пацвердзілі, што цяпер ёсць тэхнічныя праблемы з друкам, але запэўнілі, што больш за паўтара месяца дакумент рабіць не могуць.
У аддзеле грамадзянства і міграцыі УУС Фрунзенскага раёна таксама прызналі, што затрымкі ў вырабе і выдачы пашпартоў ёсць.
«У нас сапраўды трошкі даўжэй тэрміны вырабу цяпер, — патлумачылі праз тэлефон. — Калі вы падасце цяпер дакументы на месяц, яны будуць трошкі пазней — яшчэ дзесьці плюс тыдзень. Калі падасце на 15 дзён, усё будзе гатова дзесьці за 20-23 дні».
Колькі працягнецца такая сітуацыя, у Фрунзенскім АГіМ не ведаюць. Там толькі дадалі, што тэхнічныя праблемы — на баку Бюро пашпартызацыі насельніцтва, якое займаецца вырабам дакументаў. Якога менавіта роду непаладкі, не ўдакладнілі.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары
Доўга такое напружанае працы мне ня вытрымаць, выснажальная работа, таму салідарны пэнсыйны век ў мяне ў 45.
Вам, абібокам, не зразумець, як людзі гараць на працы