U Minsku skardziacca na zatrymku vydačy pašpartoŭ. U čym pryčyna?
Žychary Minska skardziacca na zatrymki z vydačaj novych pašpartoŭ. Paźniej ustanoŭlenaha terminu atrymlivajuć ich i tyja, chto mianiaŭ dakumienty ŭ zvyčajnym paradku, i tyja, chto zapłaciŭ za paskorany vyrab. Voś što kažuć pra heta ludzi i što adkazvajuć u Departamiencie pa hramadzianstvie i mihracyi, piša «Lusterka».
«Pastavili niejkuju mašynu novuju — nastrojvajuć»
Para ź Minska źbirałasia ŭ adpačynak u kancy lipienia i zahadzia pajšła mianiać pašparty. Padali dakumienty ŭ pačatku červienia — času jašče chapała, vyrašyli nie dapłočvać za paskorany vyrab, miesiac čakańnia ich zadavalniaŭ. Ale daviałosia čakać daŭžej.
«Kali praź miesiac pajšli zabirać novyja pašparty, skazali, što jany jašče nie hatovyja, tamu što niejkija techničnyja prablemy z drukam. Kali buduć hatovyja, nieviadoma. U vyniku pračakali amal paŭtara miesiaca adzin pašpart, druhi — na paru dzion daŭžej, tamu što padavalisia ŭ roznych rajonach», — padzialiŭsia prablemaj čytač.
Z-za zatrymki jamu daviałosia zrušvać płany pa adpačynku.
Na padobnuju situacyju skardziacca biełarusy i ŭ čatach.
«Apłacili paskareńnie za dva tydni, u paniadziełak skončyŭsia termin, a pašpart nie hatovy. Patrebien byŭ da suboty, ciapier treba ŭsie płany mianiać. Telefanuju ŭ AHiM pa try razy na dzień. Pastavili niejkuju mašynu novuju,iakaja [dakumienty] drukuje, — pakul traciać dni, nastrojvajuć», — napisała ŭ adnoj z haradskich supołak minčanka i pacikaviłasia: «Ja mahu napisać zajavu na viartańnie hrošaj za pasłuhu?»
«Siabroŭka rabiła bijamietryčny płatna — vydali za try dni, a tym, chto rabiŭ biaspłatna zvyčajnyja pašparty, u kalidory abjavili, što jany jašče nie hatovyja i treba čakać SMS. Papiaredzili, što terminy vielmi zaciahvajucca», — napisała jašče adna žycharka Pieršamajskaha rajona stalicy.
Kolki čakać?
U Departamiencie hramadzianstva i mihracyi MUS, kudy patelefanavała žurnalistka «Lusterka», paćvierdzili, što ciapier jość techničnyja prablemy z drukam, ale zapeŭnili, što bolš za paŭtara miesiaca dakumient rabić nie mohuć.
U adździele hramadzianstva i mihracyi UUS Frunzienskaha rajona taksama pryznali, što zatrymki ŭ vyrabie i vydačy pašpartoŭ jość.
«U nas sapraŭdy troški daŭžej terminy vyrabu ciapier, — patłumačyli praz telefon. — Kali vy padaście ciapier dakumienty na miesiac, jany buduć troški paźniej — jašče dzieści plus tydzień. Kali padaście na 15 dzion, usio budzie hatova dzieści za 20-23 dni».
Kolki praciahniecca takaja situacyja, u Frunzienskim AHiM nie viedajuć. Tam tolki dadali, što techničnyja prablemy — na baku Biuro pašpartyzacyi nasielnictva, jakoje zajmajecca vyrabam dakumientaŭ. Jakoha mienavita rodu niepaładki, nie ŭdakładnili.
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć21
Kamientary
Doŭha takoje napružanaje pracy mnie nia vytrymać, vysnažalnaja rabota, tamu salidarny pensyjny viek ŭ mianie ŭ 45.
Vam, abibokam, nie zrazumieć, jak ludzi harać na pracy