Zabrać pasyłki možna budzie, nie pakazvajučy pašpart abo inšy dakumient.
Dla klijentaŭ biełaruskaj pošty dastupnaja novaja pasłuha — atrymańnie pasyłak pa QR-kodzie, paviedamili ŭ «Biełpošcie».
Joju mohuć skarystacca tolki fizičnyja asoby. Pry dapamozie QR-koda možna atrymlivać paštovyja adpraŭleńni biez pradjaŭleńnia pašparta.
Vyklučeńnie — paštovyja hrašovyja pieravody.
Dla chutkaha atrymańnia paštovych adpraŭleńniaŭ pa QR-kodu treba zrabić nastupnaje:
— spampavać i ŭstalavać mabilny dadatak «Biełpošty» ŭ App Store abo Google Play,
— unieści ŭ dadatak źviestki dakumienta, jaki paćviardžaje asobu, i prajści identyfikacyju,
— kali čakajecie pasyłku, možna jaje adsačyć u mabilnym dadatku,
— paśla adlustravańnia ŭ asabistym kabiniecie statusu pasyłki «da vydačy», źviarnucca ŭ adździaleńni paštovaj suviazi,
— paviedamić rabotniku, što chočacie atrymać adpraŭleńnie pa QR-kodu,
— pakazać dla skanavańnia QR-kod, adlustravany ŭ mabilnym dadatku ŭ režymie «adsočvańnia» abo ŭ raździele «Profil «(knopka «Moj ID»)
— raśpisacca ŭ atrymańni i zabrać svajo adpraŭleńnie.
QR-kod abnaŭlajecca aŭtamatyčna pry ŭvachodzie ŭ asabisty kabiniet.
Kali ŭ mabilnym dadatku adlustravaŭsia status «da vydačy», možna atrymać svaju pasyłku, nie čakajučy papiarovaha paviedamleńnia.
Kamientary
QR-kod - eto prosto triek-nomier
kromie toho, vam prichodit SMS k kodom, kotoryj nado soobŝiť opieratoru. chorošo čto nie na piejdžier. samo priłožienije - ubohoje.
vot takoj spłav tiechnołohij i archaizmov urovnia kursovoj raboty 3-4 kursa BHUIR.