Сямёра сілавікоў затрымалі шматдзетнага бацьку з Брэста за ўдзел у пратэстах у жніўні 2020-га
Відэа з ім апублікаваў праўладны канал.
«Медыязона» знайшла старонку затрыманага ў сацсетках, там ён падпісаны як Юрый Бутурлакін.
На відэа мужчыну затрымліваюць як мінімум сямёра сілавікоў — некаторыя з іх у абмундзіраванні, некаторыя ў цывільным і з камерамі, яны здымаюць тое, што адбываецца. Сілавікі ўрываюцца да берасцейца дадому, кладуць яго тварам у падлогу.
Далей пасля мантажнай склейкі паказаны затрыманы, ён стаіць перад камерай у кайданках і кажа, што 10 жніўня 2020 года знаходзіўся на праспекце Машэрава, выкрыкваў «нецэнзурную лаянку ў адрас праваахоўных органаў». На фоне паказаныя кадры са жнівеньскіх пратэстаў у Берасці.
Паводле якіх менавіта артыкулаў затрыманы мужчына і што з ім цяпер — невядома.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Ну і што? "Праваахоўныя органы" пастаянна карыстаюцца нецэнзурнай лаянкай. Гэта іх рабочая мова. Мужчына проста размаўляў на мове "праваахоўных органаў", іншай яны не разумеюць.