Спявачку Мэрыем затрымлівалі губазікаўцы. «Пасля маімі карткамі расплачваліся два месяцы — амаль 900 еўра»
Мэрыем Герасіменка ў новым выпуску ток-шоу «Жыццё-маліна» расказала пра бессаромнасць супрацоўнікаў ГУБАЗіКа.
Падчас размовы Мэрыем заўважыла, што хоча, каб людзі ведалі і разумелі абсурднасць сітуацыі:
«У мяне былі нейкія грошы ў кашальку. Калі мяне забіраў ГУБАЗіК, ён адкрывае гэты кашалёк, дастае грошы і кладзе сабе ў кішэню. Маімі карткамі расплачваліся — я брала потым выпіску — да канца верасня. Мяне пасадзілі 5 жніўня. … За паўтара месяца амаль 900 еўра».
Мэрыем згадвае, што яе карткамі расплачваліся ў супермаркетах «Суседзі» і «Віталюр», кавярні Beans & Leaves.
Па словах спявачкі, калі яна спытала ў адваката, што рабіць, каб вярнуць грошы, той адказаў, што нічога не зробіш, бо «ніхто не будзе прымаць заяву на сваіх».
Па словах Мэрыем, ёй таксама не вярнулі частку рэчаў, якія былі канфіскаваныя без яе прысутнасці — «ад золата да духоў і алкаголю».
«Ты сядзіш і злуешся. Таму што гэта мае грошы, якія я зарабіла. Гэта мае рэчы. Магчыма, яны хацелі, каб іх жанчыны смачна пахлі. Але маглі б і зарабіць і купіць, а не забіраць маё», — адзначае спявачка.
Чытайце таксама:
Спявачка і былая палітзняволеная Мэрыем Герасіменка выйшла замуж
-
«Маё дзіця дома расказвае, што мы ўсё яшчэ ваюем з немцамі». Чаму цяпер вучаць у беларускай школе
-
«Людзям цікавы вясковы дзвіж». Бабруйскі дальнабойшчык расказаў, як ператварыў дваравую дыскатэку пад Глускам у культурны феномен
-
Цэны на прысмакі шакуюць беларусаў: суніцы ў шакаладзе — 721 рубель за кілаграм
Каментары
ГУБАЗ у лепшых традыцыях НКУС урываецца ў хаты (контр)рэвалюцыйных элементаў і пачынае набіваць кішэні.
Глыбінная сутнасць люмпен-пралітарыята