«Ніякага сэксу і палітыкі». Свету паказалі першага андроіда-мусульманку, якая прытрымліваецца нормаў шарыяту
Па словах стваральнікаў, яна з'яўляецца першым гуманоідным робатам, цалкам створаным у Саудаўскай Аравіі, і таму яна павінна паводзіць сябе, як «сапраўдная саўдытка з уласцівымі абмежаваннямі ў правах».
Штучная дзяўчына-мусульманка па імені Сара («Sara») — першы жаночы андроід у гісторыі Блізкага Усходу, які быў цалкам створаны і прадстаўлены ў Саудаўскай Аравіі.
Распрацоўшчыкі Сары з саудаўскай кампаніі QSS AI & Robotics распавялі выданню Business Insider, што іх новая мадэль прытрымліваецца нормаў шарыяту і «валодае нечым падобным да самасвядомасці».
«Сара ўсведамляе, што яна дзяўчына, што ёй 25 гадоў, што яе рост 162 сантыметры і што яна носіць саудаўскую абаю (традыцыйную арабскую жаночую сукенку. — «НН»).
Яна павінна быць мілай, не размаўляць на тэму палітыкі і сэксу, таму што мы ў Саудаўскай Аравіі і тут ёсць свае законы для жанчын», — заявіў генеральны дырэктар QSS AI & Robotics Элі Метры ў каментарах да Business Insider.
Па словах Метры, Сара свабодна размаўляе на арабскай і англійскай мовах, а праца самой штучнай дзяўчыны заснавана на вялікай моўнай мадэлі, спецыяльна распрацаванай для яе кампаніяй QSS AI & Robotics.
«Мы не карысталіся даступнымі рашэннямі, як той жа ChatGPT. Мы распрацавалі ўласную нейрасетку, якая пераўтварае тэкст у галасавыя паведамленні, разумее вусную гаворку і добра разбіраецца ў культуры Саудаўскай Аравіі. Наша мадэль вучылася на велізарнай колькасці тэкстаў, напісаных у нашай краіне», — дадаў Метры.
Пры гэтым, як адзначае Business Insider, Сара з'яўляецца не адзіным андроідам, якога нядаўна паказала кампанія QSS AI & Robotics. Быў яшчэ штучны мусульманін па імені Мухамад («Muhammad»), які на сваім першым паказе паспеў патрапіць у скандал, бо выпадкова дакрануўся да попы рэпарцёркі выдання Al Arabia, чым выклікаў незадаволенасць у шматлікіх інтэрнэт-карыстальнікаў і нават абвінавачванні ў сэксуальных дамаганнях.
Чытайце таксама:
Першыя гуманоідныя робаты-працаўнікі з'явяцца на заводзе BMW
Хутка праграмісты стануць непатрэбныя, іх заменіць штучны інтэлект — кіраўнік NVIDIA
У Паўднёвай Карэі робат насмерць раздушыў чалавека. Выпадкова
-
Як сур’ёзнае даследаванне мозгу мушкі ператварылася ў інтэрнэт-мем — мадэль яе мозгу навучылі гуляць у Doom і гандляваць крыптавалютай
-
Тыраназаўру «памералі тэмпературу» праз 66 мільёнаў гадоў. Вось што высветлілася
-
«Гуляйце ў відэагульні або будзеце тупымі!» Што за даследаванне працы мозгу так усхвалявала Ілана Маска
Каментары