Выпускнік-медык за адмову ад размеркавання заплаціць мінімум 60 тысяч рублёў
Выпускнікам, якія адмаўляюцца ад размеркавання, давядзецца вярнуць у бюджэт значныя сумы. І гэта таксама тычыцца платнікаў.
«Дзяржава, рэспубліканскі бюджэт за кожнага студэнта плацяць больш, чым плаціць платнік. Студэнты аплачваюць толькі 75% кошту навучання, астатняе — дзяржава», — сказаў начальнік Галоўнага ўпраўлення прафесійнай адукацыі Мінадукацыі Сяргей Пішчоў, піша БелТА.
Калі выпускнік адмовіўся ад размеркавання, памер выплат вызначаецца індывідуальна — у залежнасці ад таго, у якім універсітэце вучыўся выпускнік, на якой форме, на якой спецыяльнасці.
Самыя вялікія кампенсацыі за медыцынскую адукацыю — мінімум 60 тысяч. Да 2020 года ў краіне было каля 130 такіх выпадкаў, сёлета 13, удакладніла начальніца Галоўнага ўпраўлення арганізацыйна-кадравай работы і прафесійнай адукацыі Міністэрства аховы здароўя Вольга Калюпанава.
Паводле яе слоў, праблема была вострай падчас пандэміі, калі дзякуючы кавідным выплатам медыцынскія дынастыі гасілі запазычанасць дзяцей, бо баяліся за іх здароўе.
Тады замест адпрацоўкі трэба было заплаціць каля 30 тысяч рублёў, але ўрад уключыў у гэтую суму выплаты за стыпендыю, матэрыяльна-тэхнічную базу, мадэрнізацыю ўніверсітэтаў, таму сума вырасла ўдвая.
«Я не гатовая працаваць за ідэю». Як мінскія студэнты рэагуюць на навіну, што ў Беларусі ўвядуць абавязковае размеркаванне для платнікаў
Як беларусы праходзілі размеркаванне і касілі ад адпрацовак
Абавязковае размеркаванне ўвядуць і для платнікаў, а бюджэтнікам павялічаць яго працягласць — нарада ў Лукашэнкі
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары
Дзяцей трэба нараджаць за мяжой, каб яны не сталi рабамi i не аплочвалi чарговые палацы людажэру