«Не мае значэння, што яго падтрымліваюць 60% ці 70%. Не, прайграе яго эканоміка».
Расійскі прэзідэнт Уладзімір Пуцін прайграе ў доўгай вайне. Пра гэта заявіў Уладзімір Зяленскі ў інтэрв'ю The Economist.
З ягоных слоў, не здолеўшы хутка скарыць Украіну, Пуцін настроены знясіліць яе і рашучасць яе партнёраў. Пуцін імкнецца ператварыць Украіну ў дысфункцыянальную, абязлюдзелую дзяржаву, уцекачы з якой ствараюць праблемы ў Еўропе. Аднак між тым сама Расія з'яўляецца ўразлівай, піша УНІАН.
«Пуцін не разумее, што ў доўгай вайне ён прайграе. Бо не мае значэння, што яго падтрымліваюць 60% ці 70%. Не, прайграе яго эканоміка. Па меры таго, як Украіна будзе ўзмацняць свае ўдары ўнутры Расіі, расіяне пачнуць задаваць нязручныя пытанні аб няздольнасці іх войска абараніць іх», — сказаў прэзідэнт Украіны.
Акрамя таго, пуцінская ўлада ўжо была аслабленая мяцяжом Яўгена Прыгожына. Зяленскі ўпэўнены, што яна будзе аслабленая і ў далейшым.
Прэзідэнт Украіны кажа, што не хоча думаць аб працяглай вайне, аднак рыхтуецца да яе. «Я павінен быць гатовы, мая каманда павінна быць гатовая да доўгай вайны, і эмацыйна я гатовы», — сказаў ён.
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы13
Каментары