Нейрабіёлагі аднавілі песню Pink Floyd па запісаных мазгавых хвалях слухачоў
Амерыканскія даследчыкі змаглі рэканструяваць песню Another Brick in The Wall гурта Pink Floyd на аснове аналізу імпульсаў актыўнасці, якія праходзяць праз пэўную частку скроневай долі мозга.
Каб сабраць звесткі аб мазгавой актыўнасці, навукоўцы адабралі 29 добраахвотнікаў, якія мелі імплантаваныя мазгавыя электроды для лячэння эпілепсіі. Затым даследчыкі ўключылі песню, каб адсачыць нейронавыя патэрны ў мазгах слухачоў.
Атрыманыя даныя нейрабіёлагі прааналізавалі пры дапамозе камп'ютарных алгарытмаў. У выніку атрымалася аднавіць трэк у скажоным, але ўсё яшчэ пазнавальным выглядзе.
Як сцвярджаюць навукоўцы, гэтае даследаванне дапаможа пацыентам, у якіх парушаны моўны апарат праз пашкоджанне галаўнога мозга. У перспектыве можа быць распрацаваны дэкодар, які будзе сінтэзаваць мову чалавека, перадаючы інтанацыю, танальнасць і нават музыкальнасць мовы.
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары