Лізо выключылі са спіса артыстаў-удзельнікаў Супербоўла. Днямі яе абвінавацілі ў сэксуальным гвалце
Амерыканская спявачка Лізо была выключаная са спіса артыстаў, што плануюць выступіць у перапынку Супербоўла LVII, пасля таго, як сутыкнулася з інфармацыяй пра серыю шакавальных сэксуальных дамаганняў і абвінавачанняў у гвалце з боку былых танцорак, піша Daily Mail.
Раней у гэтым месяцы 35-гадовая поп-зорка, якая пазіцыянуе сябе як актывістка бодзіпазітыву, аказалася ў цэнтры сенсацыйнага скандалу, калі тры яе былыя танцоркі, Крыстал Уільямс, Ноэль Радрыгес і Арыяна Дэвіс, падалі супраць яе ў суд, абвінаваціўшы Лізо ў стварэнні «варожага працоўнага асяроддзя».
Інсайдар НФЛ распавёў Daily Mail, што негатыўная рэакцыя на абвінавачанні заахвоціла арганізацыю неадкладна адхіліць Лізо ад удзелу ў шоу ў перапынку Супербоўла — раней яе імя фігуравала ў спісе як адной з прэтэндэнтак на ўдзел у шоу 2024 года.
«Размовы пра тое, што Лізо будзе ўдзельнічаць у перапынку або выконваць нацыянальны гімн, спыніліся пасля таго, калі яна аказалася акружаная скандалам», — сказала крыніца пасля абвінавачанняў, што Лізо катэгарычна адмаўляе.
***
Супербоўл — галоўная спартыўная падзея года ў ЗША, цяпер праводзіцца ў другую нядзелю лютага.
Гэта фінальны матч за званне пераможцы Нацыянальнай футбольнай лігі. Тэле– і інтэрнэт-аўдыторыя Супербоўла збірае больш за 100 мільёнаў гледачоў, куды больш чым трансляцыі баскетбола або бейсбола. Кошт рэкламных ролікаў перад пачаткам і ў перапынку складае мільёны даляраў.
Выступіць падчас Супербоўла — вельмі прэстыжна і пачэсна, таму ў спіс выканаўцаў трапляюць выключна зоркі.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос25
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5353
Каментары