Пракуратура расказала, чаму прызналі «экстрэмісцкімі» паблікі «чайлдфры»
Нядаўна ў «экстрэмісцкі» спіс Мінінфарма рашэннем суда Савецкага раёна Мінска патрапілі тэлеграм-каналы «Антынаталізм, чайлдфры, чайлдхэйтэры etc» і «Чайлдфры», суполка «Чайлдфры. Эліта грамадства» ў фэйсбуку, паблік «Чайлдфры» ва ўкантакце і акаўнт «Чайлдфры» ў інстаграме. Як паведамілі ў пракуратуры, такое рашэнне прынятае па іх заяве.
У такіх пабліках нараджэнне і выхаванне дзяцей нібыта прадстаўленыя як «негатыўныя з'явы», паведамілі ў прэс-службе Генпракуратуры.
«Інфармацыйная прадукцыя названых рэсурсаў накіраваная на распальванне варожасці ў дачыненні да дзіцячага насельніцтва і бацькоў, заклікае да штучнага перапынення цяжарнасці. Публічна дэманструе цынічныя і жорсткія спосабы абыходжання з дзецьмі. Нараджэнне і выхаванне дзяцей на гэтых рэсурсах падаюцца як негатыўныя з'явы», — сцвярджаюць у ведамстве.
Прыхільнікаў плыні чайлдфры, то-бок свядомага нежадання мець дзяцей, падчас свайго сакавіцкага паслання Нацыянальнаму сходу запатрабаваў абвясціць па-за законам Аляксандр Лукашэнка. Пасля гэта падхапілі драбнейшыя чыноўнікі і прапагандысты. Заява пракуратуры і наступнае рашэнне падкантрольнага ўладам суда відавочна — наступствы гэтай кампаніі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары